Lidhu me ne

Kioske

Paratë, Procesi dhe e Pazbardhura te PPP e inceneratorit të Tiranës

Ola Xama

1. Paratë
Në tre vjet të hetimit të inceneratorit të Tiranës, u paguan 34 milion euro nga buxheti i shtetit dhe 20 milion euro të tjera nga tarifa e depozitimit të mbetjeve për operatorët privatë. Këto para nuk u gjetën në arkën e kompanisë koncesionare ‘Integrated Energy Bv Spv’ në momentin e sekuestrimit dhe ajo çka u sekuestrua nuk ishte ndonjë teknologji e jashtëzakonshme me vlerë për menaxhimin e mbetjeve, por një landfill që kapaciteti po i ezaurohet i cili nuk ka impiantë kullimi dhe rrezikon shëndetin e banorëve përreth.

Nga nisja e zbatimit të kontratës koncesionare dhe deri më sot janë paguar 60 milion euro nga buxheti i shtetit dhe 40 milion të tjera nga tarifa e operatorëve privatë për depozitimin e mbetjeve. 100 milion euro në total.

Paratë janë vërtetuar se kanë shkuar në duart e Klodian Zotos dhe Mirel Mërtirit, por deri më sot hetimet na kanë treguar vetëm dy zyrtarë që kanë përfituar: Alqi Bllako dhe Vladimir Bezhani.

Nëse Zoto-Mërtiri kanë arritur të përfitojnë 100 milion euro duke shpenzuar 200 mijë euro për korrupsion, do të ishin mashtruesit më të mëdhenj në historinë njerëzore. Se çfarë është bërë me miliona euro të tjera, këtë duhet të na i tregojnë hetimet duke shpresuar se diçka do t’i kthehet qytetarëve duke gjurmuar zinxhirin e parave në Shqipëri, Bullgari dhe Zvicër.

2. Procesi
Dhënia e masave të arrestit për dy zyrtarë të lartë të Bashkisë Tiranë nuk duhet të jetë fundi i hetimeve, pasi dyshimet e opinionit publik për të shkuar dhe për të verifikuar më lart nuk mund të shuhen duke u kufizuar me këto veprime.

Në rastin e Arben Ahmetaj drejtësia na tregoi se kur ka vullnet për hetuar gjen. U bë kontroll banese, telefoni, hyrje – dalje jashtë vendit në sistemin Tims dhe marrje në pyetje deri te bashkëshorti i pastrueses.

Përpara këtij standardi të lartë hetimi, për inceneratorin e Tiranës shohim një investigim të vakët, vetëm me konstatime të asaj që ka dalë nga ekspertimi i kompjuterit të Zotos, dokumentat e procedurës të dërguara nga Komisioni Hetimor Parlamentar, hetim të skemës të kompanive fiktive të bërë gati nga LSI dhe nisjen e disa letërporosive jashtë.

3. E Pazbardhura
Kërkesa e Bashkisë Tiranë për menaxhimin me PPP të mbetjeve, koordinimi i saj me Ministrinë e Mjedisit dhe ndarja e informacionit me Klodian Zoton është një pjesë që tregohet në dosje, por që nuk është zbardhur. E pazbardhur është dhe pjesa se përse duhet të ketë burg për ekzekutorin dhe jo për porositësin!?

Kush bëri kërkesën për PPP, Veliaj apo Simixhiu me Tushën? Kush u koordinua në nivel politikash për incenerator dhe jo landfill me Ministrinë e Mjedisit, drejtorët e Bashkisë apo kryetari i Bashkisë? U caktuan vetë në komision dhe vepruan me vullnet të tyre apo i caktuan dhe morën direktiva? Kjo nuk dihet.

Të çuditshme duken dhe disa pjesë të tjera të shkëputura nga dosja, siç është akuza për korrupsion për Zoton, por jo për Mërtirin dhe pse është vërtetuar se që të dy janë përfitues të parave të inceneratorit.

Nga ana tjetër pagesa për pajisjet e fabrikës së birrës që kishte kërkuar Bllako është bërë nga kompania e bashkëshortes së Zotos, por për atë ose kompaninë e saj që ka korruptuar dhe përfituesin (kompaninë e Edmond Bllakos), nuk ka asnjë dyshim dhe akuzë.

Ose p.sh., fakti që janë marrë masa sigurie për dy punonjës të QKB-së që kanë bërë regjistrimin e pronarëve përfitues pa dokumentacion shoqërues, por për administratorin Herman Daniel Vermuelen që ka depozituar të dhëna të rreme nuk ka asnjë akuzë.

As për Vermuelen, e as për investitorët italianë që bashkëpunuan në këtë skemë mashtrimi duke ofruar dokumenta dhe ishin në dijeni të mashtrimit që po bënte kompania Integrated Energy me preventivët dhe ccmimin e tarifës. Ata në fakt hyjnë e dalin lirisht në Shqipëri duke kërkuar të vazhdojnë investimin në inceneratorin e Tiranës…

***
Këto dyshime duhet të kenë një përgjigje nga drejtësia duke nisur nga koka dhe jo nga bishti, pasi është koka që merr ccdo ditë vendime që ndikojnë në jetën tonë. Nuk them arrestim, por hetim. Dhe jo për kënaqësi sadiste të turmave që kanë si sport të parapëlqyer rënien e një të pushtetshmi, por për të mbajtur në këmbë besimin te drejtësia e reformuar se heton çdokënd me të njëjtin standard dhe që ndihmon në rritjen e besimit të atyre që na qeverisin.

Nëse unë do të isha në vend të tyre dhe nuk do të kisha bërë gjë, do të dorëzoja vetë në Prokurorinë e Posaçme kompjuterin, telefonin, dokumentat, çelsat e shtëpisë dhe të makinës. “Ja ku i keni, kontrolloni dhe të mbyllim këtë këngë që ka vite që këndohet njëherë e mirë!”. Ky gjest do të më rriste vlerat para qytetarëve dhe do të bënte qesharake opozitën. Por siç e thashë dhe më lart, nëse nuk do të kisha bërë gjë.

MË TEPËR

Radar1 ditë më herët

U hoqën nga gara, por nuk mërziten! Si shprehen socialistët pas publikimit të listës

Me 186 kandidatë do të hyjë në garën e 11 Majit Partia Socialiste. Por si çdo listë edhe ajo mund të...

Mix2 ditë më herët

Ushqimet për një agjërim sa më të shëndetshëm gjatë Ramazanit

Gjatë kohës së vakteve në muajin e Ramazanit, familjet myslimane zakonisht mblidhen për të shijuar vaktin pas perëndimit të diellit...

Mix2 ditë më herët

Mollët, portokalli dhe kivi, frutat më të mira për mëngjes dhe përfitimet e tyre për shëndetin

Studime të ndryshme kanë treguar se ngrënia e mëngjesit mund të ndihmojë në stimulimin e metabolizmit. Një mëngjes i shëndetshëm...

Mix2 ditë më herët

Rihanna vesh xhinset $1,200 të Kendrick Lamar

Mesa duket, Rihanna ‘is like us’. Një muaj pasi Kendrick Lamar bëri bujë me performancën e tij në “Super Bowl...

Mix2 ditë më herët

Si të humbasësh peshë duke ecur! Këshillat për një rezultat të shpejtë

Për të mbajtur një trup të shëndetshëm mënyrat e duhura janë vetëm dy, aktiviteti i vazhdueshëm fizik dhe regjimi i...

Radar2 ditë më herët

“Lista e PD me një grusht servilash”, Basha – kolegëve demokratë: I paralajmërova, i ftoj të na votojnë ne! U bënë pishman për mumifikimin e partisë

Kryetari i Demokratëve Euroatlantikë dhe njëkohësisht drejtues i Koalicionit Euroatlantik në zgjedhjet e 11 majit, Lulzim Basha, i bëri thirrje...

Aktualitet2 ditë më herët

PD dhe PS nxjerrin emrat kandidatëve që do përballen në zgjedhjet e 11 majit

Partia Demokratike dhe Partia Socialiste kanë vendosur emrat e kandidatëve për deputetë të cilët do kandidojnë në zgjedhjet e 11...

Kryesore2 ditë më herët

Të zhgënjehesh nga Berisha në vitin 2025?

Dhe nëse dikush priste që ai do të luante ndryshe këtë herë, atëherë problemi nuk është Berisha – problemi është...

Aktualitet3 ditë më herët

Ben Andoni: Rama po përgatitet për republikën presidenciale

Kryeministri Edi Rama tha së fundmi se ka mundësi që të mos jetë më në listën e deputetëve. Kjo ka...

Radar4 ditë më herët

Eksodi i “diplomave”, në 2023 u diplomuan rreth 12 mijë studentë më pak se në 2019!

Eksodi i diplomave nuk ka të ndalur, teksa në bankat dhe auditore ka gjithnjë e me pak studentë, sot çka...

Facebook