Jennifer Lopez është përballur së fundmi me një incident me paparacët. Në një foto të kapur nga fotografët, J.Lo e tregoi pakënaqësinë e saj në një mënyrë të veçantë duke bërë një gjest jo të hijshëm me gishtin e saj.

Incidenti ndodhi ndërsa Lopez ishte me partnerin e saj, Ben Affleck, në një nga vizitat e tyre të rregullta në zinxhirin e fast-food-eve McDonald’s.

Edhe pse kamerat kapën momentin kur Jennifer Lopez bëri gjestin e saj drejt paparacëve, është e paqartë se çfarë e shkaktoi reagimin e saj.

Ngjarja ka ngjallur opinione dhe reagime të ndryshme në rrjetet sociale dhe në media. Disa e mbështesin J.Lo-në për mbrojtjen e privatësisë së saj, ndërsa të tjerë kritikojnë gjestin e saj të vrazhdë, por ajo që shumë thonë është se edhe të famshmit janë njerëz dhe kanë të drejtën e privatësisë dhe të shprehin emocionet e tyre.

Përveç këtij episodi, ka raportime që sugjerojnë se marrëdhënia mes Jennifer Lopez dhe Ben Affleck, të njohur si ‘Bennifer’, mund të jetë duke u përballur me tensione, pasi disa burime pohojnë se debatet në makinë janë të vazhdueshme.

Fansat e ‘Bennifer’ janë të tronditur nga lajmet që kanë dalë rreth çiftit, teksa paparacët e kanë kapur çiftin mjaft të mërzitur me njëri-tjetrin, ku me sa duket kanë pasur një debat që i ka lënë mjaft të nervozuar të dy.