Radar
Akuzat ndaj Jamarbër Malltezit/ Leja e ndërtimit u firmos nga Edi Rama
Luçiano Boçi
Akuzat e ngritura nga SPAK ndaj ish-kryeministrit Sali Berisha si dhe arrestimi i dhëndrit të tij Jamarbër Malltezi janë në qendër të vëmendjes së opinionit publik.
Lidhur me këtë ka reaguar dhe Luçiano Boçi, nënkryetari i PD-së.
Në një intervistë Boçi u shpreh se lejen Jamarbër Malltezi për të ndërtuar në truallin e ish-kompleksit “Partizani” e ka dhënë Edi Rama i cili në atë kohë mbante postin e kryetarit të Bashkisë Tiranë.
“Aty ka pasur zhvillim të pronës, kryetari i bashkisë në atë kohë ka qenë i famshmi Edi Rama. Si kryetar bashkie ka qenë i famshëm për atë 20% e dikurshëm. Që të bësh ndërtim aty, duhet që toka nga terren sportive të kalonte në truall sepse ishte brenda vijës së verdhë dhe në bazë të planit urbanistik, me vendim të Edi Ramës. Toka nga tokë sportive, ka kaluar në truall për ndërtim. Kush e dha lejen e ndërtimit? E ka dhënë Edi Rama, se nuk e mori nga kryeministri Jamarbëri. Toka nuk ka qenë në planin e përhapjes, se e ka përjashtuar nga ky plan presidenti Moisiu”, tha Luçiano Boçi.
