David Beckham ka ndarë çelësin e suksesit të martesës 24-vjeçare të tij dhe Victoria Beckham.

Superylli i futbollit dhe ish-ylli i ‘Spice Girl’ u martuan në korrik 1998 dhe kanë katër fëmijë: Brooklyn, 24 vjeç, Romeo, 21 vjeç, Cruz, 18 vjeç, dhe vajzën e tyre 12-vjeçare, Harper.

Përpara publikimit të ‘Beckham’, një dokumentar i Netflix për jetën e tij, David dha një pasqyrë të marrëdhënies së tij me stilistrn në një intervistë për ‘The Telegraph’.

Kur u pyet për këshilla mbi martesën, 48 vjeçari deklaroi se ai dhe Victoria bëjnë rregullisht kompromise për të siguruar që nevojat e tjetrit të plotësohen.

“Ju punoni së bashku. Është pak të japësh e të marrësh, gjithmonë,” shpjegoi ai. “Dhe martesa është punë e vështirë. Ne jemi të zënë. I them gjithmonë Victoria se jam më i zënë, por ajo thotë se ajo është më e zënë se unë. Ne kemi katër fëmijë që shkojnë gjithmonë në drejtime të ndryshme, por ju duhet t’i jepni prioritet kohës suaj me njëri-tjetrin. Kjo është ajo që ne kemi bërë gjithmonë dhe duket se po funksionon.”

Më vonë në intervistë, David shtoi se ai dhe Victoria kishin folur për të qenë gjyshër në të ardhmen dhe pohoi se ai ishte më rehat me idenë sesa ajo. Ai shpjegoi:

“I thashë Viktorias, ‘E di, në një moment, do të bëhesh gjyshe’. Ajo tha: “Mos më fol për këtë!”