Si mund të luftohet droga kur qeveria e legalizon

Zhupa në Kuvend: Si mund të luftohet dr*ga kur qeveria e legalizon

Deputetja e Partisë Demokratike, Ina Zhupa, është shprehur se është e pakuptimtë që qeveria të bëjë sikur e lufton kanabisin dhe në anën tjetër ta legalizojë atë.

Komentet Zhupa i bëri gjatë fjalës së saj në Kuvend, ku tha se nëse kanabisi legalizohet, prokurorët e kanë shumë të thjeshtë të manipulojnë dhe lehtësojnë akuzat edhe për trafikantët e tjerë.

Si shembull ajo mori rastin e dhunës me shkopinj bejsbolli të anëtarëve të fisit Rraja ndaj 2 kushërinjve të fisit Maja, ku prokuroria e konsideroi dhunën e ushtruar si “plagosje e lehtë”.

“Hajde ta ndajmë pastaj nëse e kemi drogën për përdorim vetjak, apo për sëmundjet që do trajtohen. Prokurorët e trajtojnë se dëmtime të lehta thyerjet e kockave të kafkës me shkopa bejsbolli.

Imagjino sa të thjeshtë e kanë pastaj që ta klasifikojnë drogën siç duan. S’mundet të jenë të dyja, edhe e luftojmë edhe e legalizojmë drogën”, u shpreh Zhupa.