Megan Fox ka gati një libër me poezi për sekretet e burrave: “Liria ime jeton në këto faqe”

Megan Fox ka shkruar një libër me poezi dhe është gati t’i tregojë botës sekretet e burrave që kanë qenë pjesë e jetës së saj. I titulluar “Pretty Boys Are Poisonous” (“Djemtë e bukur janë helmues”), libri do të lançohet në 7 nëntor të këtij viti.

Fox thotë se djemtë e bukur të helmojnë dhe ka një argument për këtë. Ajo pretendon se prej vitesh ka ruajtur sekretet e burrave dhe trupi i dhemb duke mbajtur peshën e mëkateve të tyre.

“Këto poema janë shkruar në tentativën për të nxjerrë sëmundjen që ka zënë rrënjë për shkak të heshtjes sime. E kam kaluar gjithë jetën duke mbajtur sekretet e burrave, trupi më dhemb nga pesha e mëkateve të tyre. Liria ime jeton në këto faqe dhe uroj që të frymëzoj të tjerët që të marrin mbrapsht lumturinë dhe identitetin e tyre, duke ndriçuarë zërin që e kanë varrosur në errësirë, por s’e kanë harruar”, u shpreh Megan.

Ndërkohë, sipas shtëpisë së botimit ‘Simon & Schuster’, duhet të shfletojmë librin, të kafshojmë mollën e mëkatit dhe të lexojmë një prej librave më fiksues të vitit.