Kryedemokrati Sali Berisha ka ndarë një artikullin mbi një tender me vlerë 10 milionë euro për vendosjen e kamerave në depot e Ujësjellësit të Tiranës.

Në një postim në Facebook, Berisha shkruan se fitues për këtë tender është shpallur një grup operatorësh me në krye Gjicin të cilët kanë vepruar në shkelje të ligjit për konkurrencën.

Sipas Berishës, këtë e ka vërtetuar KLSH-ja e cila në raportin e publikuar thotë se është përdorur një marrëveshje e ndaluar. Berisha thotë se kryebashkiaku Veliaj ka vjedhur bashkë me Safet Gjicin, 10 milionë euro.

Postimi:

Tenderi me “marrëveshje të ndaluar”!

Lal Vjedhsi ndan me Gjicin 10 mln euro, në tenderin e Ujësjellësit të Tiranës.

Të dashur miq, gazetari investigativ i Boldnews.al

ka zbuluar se një tender me vlerë rreth 10 milionë euro, për vendosjen e kamerave në depot e Ujësjellësit të Tiranës, është fituar nga një grup operatorësh, me në krye Euro-Gjicin të cilët kanë vepruar në kushtet e “Marrëveshjes së ndaluar”, në shkelje flagrante të ligjit për Konkurencën.

Kontrolli i Lartë i Shtetit deklaron se ka “vërtetuar katërcipërisht se operatorët ekonomik, kanë përdorur skemën e marrëveshjeve të ndaluara, duke rënë dakord më përpara, që të mos paraqiten secili më vehte në procesin e prokurimit, por të gjithë së bashku, si bashkim operatorësh”.

Ky konstatim është publikuar në raportin e auditit të përfunduar në Prill 2023, në ndërmarrjen e Ujësjellës-Kanalizimeve Tiranë, dhe të publikuar së fundmi. KLSH konstaton gjithashtu se institucioni kontraktor i tenderit 10 milionë euro, pra Ujësjellësi në varësi të Bashkisë së Tiranës, kishte detyrimin që ta referonte rastin pranë Autoritetit të Konkurencës, para se të shpallte rezultatin.

Por, një veprim i tillë nuk është kryer nga Veliaj, duke i dhënë udhë një procedure tenderuese me shkelje flagrante ligjore. Keshtu Veliaj dhe Gjici ndanë pa tender 10 milionë euro.