Arnold Schwarzenegger e quan nazist babain e tij ndërsa kujton se ka vuajtur rrahjet dhe abuzimet brutale kur ishte fëmijë.

Aktori ka kujtuar se si zgjohej i trembur çdo mëngjes nga frika e dhunës.

Aktori i “Terminator”, 75 vjeç, flet për fëmijërinë e tij të vështirë me babanë e tij Gustav, i cili ishte anëtar i partisë naziste dhe nënën Aurelia, në një dokumentar në Netflix mbi jetën e tij.

Ai e konsideron ‘tiran’ babain për sjelljen ndaj dy djemve. Arnold tregon sesi i ati i vinte përballë dy djemtë në sfida dhe gara.

“Me raste ishte babai i sjellshëm dhe herë të tjera kur vinte i dehur në tre të mëngjesit bërtiste”, tregon Arnold.

“Ne zgjoheshim me zemrat tona që rrihnin fort çdo moment që ai mund të godiste nënën time ose të çmendej, kështu që ishte një lloj dhune e çuditshme”.

“Prandaj u bëra rebel. Sa herë që goditesha dhe sa herë që dikush më thoshte: Nuk mund ta bësh këtë, unë thoja: “Kjo nuk do të zgjasë për shumë kohë, sepse unë do të largohem nga këtu. Unë dua të jem i pasur. Unë dua të jem dikushi.”

Dokumentari do të jetë në Netflix nga 9 qershori.