Edi Rama i drejton vetë ndjekjet penale dhe hetimet që bën SPAK

Avenir Peka: Edi Rama drejton vetë ndjekjet penale dhe hetimet që bën SPAK

Drejtuesi i departamentit të Sigurisë në PD, Avenir Peka, i ftuar në ‘Task Forcë’ me Sonila Meçon në SYRI TV, ka komentuar hetimet që ka bërë SPAK. Peka u shpreh në studio se, rezultatet e prokurorisë së posaçme janë shumë të dobëta.

‘Edhe sikur mrekullira të bëjë SPAK, përsa kohë kryeministri paralajmëron veprimet e tyre, nuk më ngjallin asnjë ndjenjë pozitive’, u shpreh Avenir Peka.

‘Shqipëria, Tirana është vend i vogël dhe është vend që nuk mban dot sekrete. Do të them se ngjarjet që kanë ndodhur, aferat korruptive që kanë ndodhur, stili i jetesës i drejtuesve të lartë, të gjithë e japin mundësinë për premisën që SPAK të ketë një sukses të jashtëzakonshëm, gjë që në realitet nuk ndodh.

E dyta është se, fakti që kryeministri paralajmëron se çfarë do të ndodhë me arrestimet, lirimet, ndalimet, ndjekjen penale, do të thotë se dirigjenti i të gjithë ndjekjes penale, të paktën përsa i përket SPAK, është kryeministri, vetë personalisht, apo nëpërmjet njerëzve të tij.

Edhe sikur mrekullira të bëjë SPAK, përsa kohë kryeministri paralajmëron veprimet e tyre, nuk më ngjallin asnjë ndjenjë pozitive. Pa futur pastaj se kush kanë qenë iniciatorët e SPAK. Në faqen e parlamentit të Shqipërisë, në shtator të 2015 ka pasur një grup deputetësh të PS-së, një grup prej 28 deputetë, të cilët janë iniciuesit e reformës në drejtësi. Ai dokument është zhdukur. Është zhdukur sepse tre personat, iniciues të reformës në drejtësi nga grupi i PS-së, janë persona që janë larguar nga parlamenti për shkak të reformës së dekriminalizmit.

Dhe kjo më tregon gjithçka për reformën në drejtësi’, tha Avenir Peka, gjatë debatit në SYRI TV.