Deputeti demokrat Ervin Salianji tha se opozita nuk mund të ribëhet duket përjashtuar Sali Berishën.

Duke folur për TPZ, Salianji tha se janë zgjedhjet e pesta që opozita në tërësi ndaj të njëjtin qëndrim. Ai shtoi se nga zgjedhje në zgjedhje shihet se nuk ndryshon as Rama dhe as retorika e opozitës.

“Kjo opozitë nuk ribëhet dot duke përjashtuar Sali Berishën. Di t’ju them këtë që janë të paktën zgjedhjet e pesta ose të gjashta me gjithë zgjedhjet e pjesshme që opozita dhe PD-ja, po opozita në tërësi ka të njëjtin qëndrim. Pra, nga zgjedhjet në zgjedhje ne shohim që nuk ndryshon Edi Rama, por nuk ndryshon as retorika e opozitës. Kushdo në Shqipëri nuk pret që Rama të përmirësohet. Rama nga zgjedhja në zgjedhje po shkon më keq. Po e perfeksionon makinerinë apo industrinë, quajeni si të doni të deformimit të vullnetit të zgjedhësve dhe duhet që opozita t’i përgjigjet kësaj me mjete të tjera. Është e pamjaftueshme mendoj unë sot që opozita të jetë prapë në të njëjtën retorikë pa bërë lëvizjet e veta”, theksoi ai.