Lidhu me ne

Radar

Opinion nga Peter Lucas/ Ron DeSantis e mund Biden, por më parë i duhet të mposhtë Trump

Opinion nga Peter Lucas/ Ron DeSantis e mund Biden, por më parë i

Guvernatori Republikan i Florida-s, Ron DeSantis, mund ta mposhtë presidentin Joe Biden.

Biden ka rënë kaq poshtë në sondazhe, në të gjitha çështjet, saqë e vetmja mënyrë për t’u rizgjedhur është po të votojnë për të miliona emigrantë të paligjshëm që ai la të futeshin në vend.

Që do të thotë se, praktikisht, çdo Republikan mund ta mposhtë, veçanërisht një kandidat si DeSantis.

Por, fillimisht, guvernatori 44-vjeçar duhet të kalojë nga Donald Trump, 76 vjeç, gjë që nuk do të jetë e lehtë.

Ndërsa fusha e kandidatëve presidencialë Republikanë vazhdon të rritet, vështirë se ka një kandidat – përveç DeSantis – me qëndrimin dhe vetësigurinë e nevojshme për t’i bërë ballë Trumpit arrogant.

Dy prej kandidatëve, të palajmëruar dhe zyrtarë, punuan për Trump (zëvendëspresidenti Mike Pence, ambasadorja e OKB-së Nikki Haley) ndërsa një kandidat i tretë i mundshëm (Chris Christie) u përpoq, por nuk u mor në punë.

Mjafton të kujtojmë se si Trump, me teknikën e tij prit-dhe-digj, shkatërroi kandidaturën e disa kundërshtarëve Republikanë në debatet televizive të vitit 2016 dhe përfundoi si ‘njeriu i fundit në këmbë’. Kandidatët që ndjekin diskur civil nuk kanë shumë shanse në debatet me Trump.

Ai pritet që ta përdorë sërish tekniknë prit-dhe-digj. Vetëm se këtë herë kundërshtarët e Trumpit janë vigjilentë. Dhe DeSantis nuk është një fluskë ajri.

Ndryshe nga shumica e kandidatëve të tjerë Republikanë, DeSantis ka një rekord të qëndrueshëm konservator të arritjeve si guvernator, mbi të cilat mund të mbështesë kandidaturën, një rekord i freskët në mendjet e njerëzve.

Banorët e shteteve të mbytura në kriminalitet apo taksa të larta, të tilla si Nju Jorku dhe të tjerë, po shpërngulen në Florida, jo për shkak të Donald Trump dhe Mar-a-Lago, por për shkak të Ron DeSantis dhe Tallahassee.

DeSantis e ka bërë Florida-n shtetin më tërheqës në vend.

Ideologjikisht, DeSantis është një Trump pa delire dhe pa bagazhe. Por ai ka mjaftueshëm nga vetësiguria e Trumpit për ta bërë atë një kundërshtar të frikshëm.

Edhe pse DeSantis është shumë prapa Trump në sondazhe, ai është kërcënimi kryesor në atë që po formohet si një garë me dy persona për nominimin presidencial Republikan.

Trump e di këtë, kjo është arsyeja pse PAC-ët (Political Action Committee-Komitete te Aksionit Politik) e tij të mirëfinancuar kanë shpenzuar 50 milionë dollarë në reklama televizive duke sulmuar dhe tallur DeSantis shumë përpara se DeSantis të shpallte zyrtarisht kandidaturën (gjë që bëri të mërkurën mbrëma).

Gjaku i keq mes të dyve do të zvogëlonte mundësinë – sado e largët që mund të duket – që mund të kishte një biletë Trump/DeSantis, me kuptimin që DeSantis do ta pasonte Trumpin pas katër vjetësh kur DeSantis do të ishte vetëm 48 vjeç.

Përveç luftës së fjalëve mes të dyve, sprova e parë e vërtetë i DeSantis do të vijë në janar në primaret Republikane të Iowa-s.

Nëse DeSantis e mposht Trump-in në Iowa, ku zhvillohet gara e parë e fushatës, kandidatura e tij do të merrte një nxitje të jashtëzakonshme para zgjedhjeve paraprake në New Hampshire një javë më pas.

Do t’u tregonte Republikanëve në të gjithë vendin se, jo vetëm që ish-presidenti mund të mposhtet, por se Republikanët konservatorë mund të kishin trumpizëm pa Trumpin.

DeSantis do të përdorë një listë arritjesh të fundit konservatore në Florida – të freskëta në mendjet e votuesve – që tërheqin Republikanët e Iowa-s, si ndalimi gjashtë-javor i abortit, ndalimi i burrave (biologjikë) që të konkurrojnë në sportet e grave dhe ndalimi i mësimit të çështjeve LGBTQ në shkolla publike, për të përmendur disa.

Por do të ishte gabim ta nënvlerësoje Trump-in. Ndërsa humbi primaret e Iowa-s ndaj Senatorit të Teksasit, Ted Cruz në vitin 2016, Trump fitoi parapraket në New Hampshire me një diferencë të madhe dhe më pas u bë president.

Megjithatë, këtë herë është ndryshe. Ndërsa polemikat rreth kandidatit Trump në 2016 zienin, ato janë hiçmosgjë krahasuar me atë që Trump po kalon tani.

Trump përballet me 34 akuza për falsifikim të të dhënave të biznesit, në lidhje me “paratë e heshtjes” që dyshohet se i janë paguar yllit porno Stormy Daniels. Gjyqi i tij është caktuar për në mars.

Këshilltari special Jack Smith së shpejti do të raportojë mbi hetimin e tij për keqpërdorimin e dokumenteve të klasifikuara nga Trump në shtëpinë e tij në Mar-a-Lago. Dhe ka më shumë.

Ndërsa Trump po kandidon për Shtëpinë e Bardhë, ai gjithashtu do të bëjë fushatë për të qëndruar jashtë Shtëpisë së Madhe (I referohet burgut (the Big House) në slang amerikan-shënim i Politiko).

*Peter Lucas është gazetar politik dhe editorialist veteran i gazetave të Bostonit. Ai ka shkruar disa libra për Shqipërinë, vend i origjinës së prindërve të tij.   

MË TEPËR

Mix7 orë më herët

Tre shenjat e horoskopit që dashurojnë me gjithë zemër!

GaforrjaGaforret dashurohen “kokë e këmbë”. Ato tregohen te kujdesshem ndaj detajeve, ndaj mos u habisni nëse e shikoni të rregullojë...

Mix7 orë më herët

Këta janë emrat për fëmijë, më të përhapur në Shqipëri

Kur vjen puna tek emrat, gjithnjë mund ta kesh pyetur veten se cilët janë emrat më të zakonshëm në Shqipëri...

Mix8 orë më herët

Scorsese dhe DiCaprio sjellin një film të ri aksion: “Carthage Must Be Destroyed”

Regjisori legjendar Martin Scorsese dhe aktori i njohur Leonardo DiCaprio po bashkëpunojnë sërish, këtë herë për filmin e ri aksion-thriller...

Radar8 orë më herët

Elon Musk largohet nga Shtëpia e Bardhë, por Doge do të vazhdojë

Elon Musk ka thënë se po largohet nga administrata Trump pasi ndihmoi në udhëheqjen e një përpjekjeje të trazuar për...

Kioske8 orë më herët

Një dolli amerikane për “Shtypin e pavararur”

Nga Aurel Plasari Na ishte dikur një gazetar dhe botues gazetash amerikan, John Swinton (1829–1901) e quanin. Ishte edhe i gojës,...

Mix1 ditë më herët

Paris Hilton e shqetësuar për të birin: Ai sheh fantazma në shtëpi

Trashëgimtarja e famshme, Paris Hilton, ka vendosur që të kërkojë ndihmën e ndjekësve në rrjetet sociale pasi djali i saj...

Mix1 ditë më herët

Një dedikim për ish-partnerin dhe ftesa për në Big Brother, Enxhi Nasufi i thotë të gjitha në intervistë

Enxhi Nasufi ishte e ftuar në emisionin “Ndryshe”, ku ka folur rreth projekteve të reja muzikore, planet dhe dëshirat e...

Mix1 ditë më herët

Vetëm 150 gr dhe një profil ultra i hollë: detaje të reja dalin për iPhone 17 Air

Disa ditë pas thashethemeve të fundit rreth kapacitetit të baterisë së iPhone 17 Air, informatori i njohur Majin Bu kthehet...

Kryesore1 ditë më herët

Historia pas fotos virale të Ramës duke ngrënë makarona, fotoreporteri zbulon sekretin e atij çasti

Një sy që sheh përtej pamjes, si Armando Babani. Në një botë ku gjithçka rrjedh shpejt e harrohet lehtë… ekzistojnë...

Sport1 ditë më herët

Igli Tare: Milani klub ku duhet të fitosh, i kam idetë e qarta për të ardhmen

Nga dita e hënë, Milan ka zyrtarisht një drejtues të ri sportiv: bëhet fjalë për Igli Taren, ish-drejtorin e Lazios,...

Facebook