Martesa mes Luizit dhe Kiarës mbrëmjen e 6 majit u bë ‘live’ dhe mbërtheu para televizionit të gjithë shqiptarët brenda dhe jashtë vendit.

Kurorëzimi i martesës u bë me një ceremoni madhështore në tarracën e Bashkisë së Tiranës ku të pranishëm ishin të afërm të Kiarës pasi në dasmë munguan familjarët e Luizit ku ende nuk dihet arsyeja e mospjesëmarrjes.

Por martesa, së pari në bazë të ligjeve të shtetit shqiptar është e jashtëligjshme dhe e pavlefshme.

“Përpara lidhjes së martesës nëpunësi i gjendjes civile bën shpalljen e saj duke e afishuar në vende të caktuara nga bashkia aktin, ku tregohet identiteti, profesioni, vendbanimi dhe vendqendrimi i bashkëshorteve të ardhshem si dhe vendi ku do të lidhet martesa”, thuhet në një nga pikat e ligjit.

Por që kjo martesë ishte për show dhe i duhej edhe Veliajt për të marrë vota më 14 maj nga fansat e shumtë të Luizit dhe Kiarës, e ka vulosur fituesi i BBV-së që deklarohet vetë si beqar. Pak ditë më parë Luizi ka ndryshuar një biznes në QKR dhe ç’ka shkruhet në dokumentacion është edhe gjendja civile, ku Luizi rezulton beqar. Kjo do të thotë që Luizi dhe Kiara nuk janë zyrtarisht të martuar.