Regjisori Todd Haynes, i njohur për filmin hit “Carol”, po përgatit një dramë të re romantike homoseksuale të vendosur në vitet 1930.

Në një intervistë, Haynes zbuloi se fituesi i çmimit Oscar, Joaquin Phoenix do të luajë në film. Ky do të jetë roli i parë homoseksual i Phoenix dhe Haynes shprehu entuziazmin e tij për historinë e guximshme dhe origjinale. Në të njëjtën kohë, botimet e huaja raportojnë se filmi do të jetë rreptësisht i papërshtatshëm për të mitur.

Më konkretisht, Haynes tha për revistën franceze “Les Inrockuptibles”: “Ka një film tjetër që dua të bëj në fillim të vitit 2024. Është një projekt i sjellë tek unë nga Joaquin Phoenix dhe zhvillohet në vitet 1930. Një histori dashurie mes dy burrave, bazuar në një skenar origjinal, shumë të guximshëm. Ky është, besoj, roli i tij i parë homoseksual. Jam shumë i emocionuar për këtë projekt!”

Phoenix aktualisht është i përfshirë në projekte të tjera, si drama biografike “Napoleon”. Ai po ripërsërit gjithashtu rolin e tij si Arthur Fleck në vazhdimin e Joker përballë Lady Gaga-s, me filmin që pritet të dalë në tetor 2024.