Këngëtari Stefi Prifti ka komentuar artistët të cilët u shfaqën në fushatën elektorale të sponsorizuar nga Bashkia e Tiranës.

I ftuar në ‘A Show’ në Syri Tv, Prifti u shpreh se nuk ka asgjë të keqe të marrësh pjesë dhe të intepretosh në aktivitetet e tyre, por në momentin që bëhesh pjesë e fushatës elektorale, do të thotë se je i politizuar dhe mban një krah.

Stefi tha se paraja i ka tërhequr artistët, të cilëve iu janë premtuar koncerte nga bashkia.

“Deri në atë masë ku këngëtarët marrin pjesë si ineterpret dhe paguhen prej politik-bërjes ose aktiviteteve të ndryshme unë e pranoj, se në fund te fundit nuk po pozicionohen por po ndajnë skenën më një grup apo parti politike. Deri këtu jo, por nga momenti që bëhesh pjesë e fushatës elektorale të një force politike atëherë ti po mban një krah dhe je i politizuar. Tani unë nuk mund t’ju them atyre se pse ju mbajtët krahun e Erion Veliajt dhe pse s’mbajtet krahun e opozitës.

Unë nuk mora përsipër të dilja me një mesazh politik dhe ta mbaja nja krah të caktuar politik dhe kjo nuk është e kollajtë sepse në fund të fundit të mos harrojmë që 55 me 45 është e ndarë popullsia përsa ju përket bindjeve. Shumë artisitë mbajtën qëndrime të njëanshme, ata e dinë vetë pse, por kam pështypjen se paraja është faktor. Unë nuk them se leku është investuar cash në këtë rast por patjetër që janë bërë koncerte të mëdha që janë sponsorizuar nga bashkia”, tha Prifti.