Kryedemokrati Sali Berisha denoncoi sot se ka filluar ‘spastrimi’ i punonjësve të cilët nuk i janë përgjigjur thirrjes së qeverisë për të votuar Partinë Socialiste në zgjedhjet e 14 majit.

Berisha tha nga konferenca e përjavshme për gazetarët se punonjësve iu ëhstë kërkuar të shkojnë në votime dhe t’ia he’hin votat PS-së, e të gjithë ata që nuk i janë përgjigjur kësaj kërkese, sipas Berishës, janë shkarkuar nga puna.

Berisha: Janë bërë atë ditë me qindra thirrje te Policia, ajo ose nuk përgjigjej ose thoshte paraqiteni me shkrim ankesën. Në një kohë kur qendra e votimit ishte e pushtuar, nuk lejohej që të futej as vëzhguesi. Policia përgjigjej që këtë kërkesë paraqiteni me shkrim. Ky është aspekti policesk. Po ju them se një aspekt tjetër më i shemtuar ka qenë roli i administratës publike. Si kurrë ndonjëherë në historinë e këtij vendi, administrata u shndërrua në një polici, janë vendosur së pari në kundërshtim me ligjin komisionerë me qindra punonjës bashkie që do numëronin votat. Me ligj e palejueshme.

Nuk është ky aspekti më i shëmtuar. Është qëndrimi i zyrtarëve si gardianë. Presioni që ata kanë bërë për punonjësit e tjerë kërcënimet që kanë shpërndarë. Dërgoheshin mesazhe në tatime, në dogana. U tha po nuk shkove në votime, do përballesh me pasoja. Kujdestares së kopshtit, se po nuk solle 10 karta ID humbet punën. Kanë nisur që sot shkarkimet nga puna ndaj atyre që nuk u përgjigjën.