Benet Beci fitoi Bashkinë e Shkodrës me 34486 vota përballë rivalit të “Bashkë Fitojmë”, Bardh Spahia që grumbulloi 22777 vota.

Në përfundim të numërimit të votave dhe shpalljes së rezultateve për kryebashkiakë, vijon numërimi për Këshillat Bashkiakë në 61 bashki të vendit.

Në Shkodër deri tani, kryeson Partia Socialiste me 18 mandate, për të cilat ka marrë 13772 vota. Partia Socialdemokrate e Tom Doshit, renditet e dyta me 13 mandate në Këshill, ndërsa pritet të vijojë rritja e shifrave, pasi aktualisht janë numëruar kutitë e votimit në 190 QV nga 247 në total.

BIRN shkruan se votat e Këshillit Bashkiak në Shkodër tregojnë qartazi rolin kyc që Tom Doshi ka luajtur në fitoren e Benet Becit në Shkodër, çka bëri që PS të merrte për herë të parë drejtimin e bashkisë.

Mbështetja që Doshi ka fituar nga qytetarët e Shkodrës, ka influencuar fitoren e Benet Becit, i cili ishte surprizë në vendoret e 14 majit.