Kryedemokrati Sali Berisha ka reaguar pas daljes së rezultateve paraprake të zgjedhjeve vendore 2023, ku koalicioni “Bashkë Fitojmë” ka fituar 6 bashki.

Berisha në një deklaratë nga selia blu, Berisha e cilësoi një ditë të tmerrshme ku industria e blerjes së votës dhunoi votat e shqiptarëve. Kryedemokrati tha se ishet e gjtiha një farsë elektorale. 

Berisha i bëri thirrje komisionerëve të opozitës të vijojnë numërimin, për të mbrojtur votën e shqiptarëve.

Berisha: Industria e tmerrshme e blerjes së votës dhunuan si kurrë në historinë e këtij vendi votën e shqiptarëve. Janë paralajmëruar aktet, veprimet të cilat dëshmojnë se narkoshteti zbatoi programin e asgjësimit të lirisë së votës të blerjes dhe së saj dhe terrorizimit të zgjedhësve shqiptarë. Kjo është një ditë e vështirë, një ditë e rëndë për lirinë dhe të drejtat e qytetarëve shqiptarë. Është një moment agonie për vlerat demokratike në vend.

Unë jam këtu për të dënuar me forcën më të madhe, për të hedhur poshtë këtë farsë elektorale të karakterizuar nga krimi shtetëror elektoral dhe krimi ordiner. Jam këtu gjithashtu për t’i bërë thirrje të gjithë përfaqësuesve të opozitës në komisione të vazhdojnë me përkushtim detyrën e tyre, pasi është në parimin dhe qëndrimin tonë të bëjmë diçka për mbrojtjen e votës së qyetarëve shqiptarë.

Së fundmi, dënoj me forcë dhunën e përdorur ndaj një komsiioneri për faktin se duhej me çdo kusht të diktojë, të ndryshojë rezultatin e bashkisë sëiç kanë bërë në çdo bashki të vendit.