Lionel Richie tregon sekretin e rinisë së tij të përjetshme

Lionel Richie është zakonisht djali i cili gjithmonë është i qeshur dhe shfaqet i lumtur kudo. Padiskutim që të gjithë atë e njohin si një person legjendar dhe si një person mjaft të suksesshëm. Në një intervistë ekskluzive për revistën “PEOPLE” para disa muajve ai u shpreh se:

Unë do të përcjell pikërisht atë që babai im më tha: ‘Aftësia plus qëndrimi përcaktojnë lartësinë’. Nëse ju ndodh që t’i keni të dyja, qielli është kufiri, por nëse jeni të bekuar vetëm me një, mbani qëndrimin e duhur sepse njerëzit do të duan t’ju kenë pranë.

Ndërkaq, së fundmi në performancën e bërë në kurorëzimin e mbretit Charles III, të gjithë po komentonin Lionel Richie. Jo për muzikën, por për pamjen e tij, pasi shumica mendojnë se ka bërë shumë operacione plastike. Mirëpo, këngëtari 73-vjeçar ka mohuar të ketë bërë ndërhyrje dhe pretendon se pamja e tij krejtësisht e re është për shkak të tre elementëve, të cilët janë gjumi, djersa dhe seksi.

Ai shtoi se operacioni plastik nuk do të ishte kurrë një opsion për të. Këngëtari 73-vjeçar i tha Daily Mail se nuk ha shumë mish të kuq, përkundrazi fokusohet te uji dhe të mbajë një jetë aktive seksuale të shëndetshme me partneren e tij prej më shumë se një dekade, modelen 33-vjeçare Lisa Parigi.