Këngëtarja e njohur, Taylor Swift, ka dhënë së fundmi një performancë në shi në qytetin e Nashville në SHBA dhe kështu i ka gëzuar edhe më shumë fansat e pranishëm. Performanca e saj ishte shtyrë për disa orë nga koha e planifikuar për shkak të rrezikut për goditje të rrufesë në qendër të qytetit. Pasi koncerti filloi pas orës 22:00, pjesa e dytë u shoqërua nga reshje të dendura shiu.

Duke qenë se ishte një hapësirë e hapur, 70 mijë fansa mbetën duke pritur performancën e saj, ndërsa Swift nuk donte të hiqte dorë nga interpretimi, kështu që performoi në shi për gati dy orë. “Kjo është diçka që ne të gjithë e bëjmë së bashku. Është si një përvojë lidhjeje. Të gjithë do të largohemi nga këtu sonte duke u dukur kështu siç jemi. Njerëzit do t’ju pyesin se ku keni qenë dhe ju do të thoni se ishit në ‘Eras Tour’. Jemi të gjithë të lagur”,-ka thënë këngëtarja në mes të koncertit.

https://twitter.com/SammisRepEra/status/1655574273707200514?ref_src=twsrc%5Etfw%7Ctwcamp%5Etweetembed%7Ctwterm%5E1655574273707200514%7Ctwgr%5E83aa3b01bc662988be6db9a8c364dcca2e21d7b3%7Ctwcon%5Es1_&ref_url=https%3A%2F%2Fwww.topalbaniaradio.com%2Fv7%2Fte-interpretosh-ne-shi-per-ore-te-tera-kete-mund-ta-beje-vetem-guximtarja-taylor-swift%2F

Vendimi i saj për të vazhduar koncertin ndërkohë që binte shi, i gëzoi njerëzit në mbarë botën dhe pamjet nga performanca mblodhën miliona shikime dhe reagime të shumta. Ndërkaq, lartë e poshtë po qarkullojnë thashetheme se kampioni i Formula 1, Fernando Alonso, po takohet me yllin e muzikës pop Taylor Swift. Piloti spanjoll përdori këngën e Swift “Karma” në një klip që postoi në TikTok dhe teksa 41-vjeçari po e dëgjon, në fund të klipit ai i shkel syrin kamerës duke lënë të hapur mundësinë që thashethemet që thuhet se janë bashkë janë të vërteta.