Një video e shpërndarë në rrjetet sociale e aktores Anne Hathaway u bë shkak që ajo të humbasë statusin si ‘e mira e Hollywood-it’!

Së fundmi, aktorja e njohur Anne Hathaway është akuzuar se është treguar e vrazhdë me një gazetare, pasi një video e intervistës së saj filloi të shpërndahej në rrjetet sociale. Në video shfaqet aktorja amerikane që refuzon të flasë për bisedën që ka pasur me kryeredaktoren e Vogue, Anna Wintour dhe qesh me idenë për të ndarë detaje me gazetaren. Intervista në fjalë u zhvillua tetorin e kaluar në një eveniment të revistës ELLE Women in Hollywood, pasi Hathaway ishte veshur ngjashëm me personazhin e saj, Andy, në filmin e vitit 2006, “The Devil Wears Prada”.

here they come…calling Anne hathaway a “mean girl for making a joke… pic.twitter.com/5DXmujVStI

— ST☆RBOY (@ih8mydad) May 5, 2023

Kur u pyet nëse ajo dhe Wintour kishin diskutuar ndonjëherë për filmin në të cilin Meryl Streep luan Miranda Priestly, një personazh i modeluar sipas Wintour Anna tha: “Po”. Megjithatë, në pyetjen e radhës, Hathaway reagoi duke thënë: “Pse t’jua them juve?”, para se të qeshë me zë të lartë. Me këmbënguljen e gazetares se është fanse dhe dëshiron ta dijë, ajo iu përgjigj: “Po e di, por ti nuk ishe aty”, duke tundur lehtë kokën.

Zëdhënësja tha se ata respektuan vendimin e aktores për të mos zbuluar ndërveprimin e saj dhe Wintour dhe aktorja i falënderoi ata. Mirëpo, në rrjetet sociale kanë pohuar se aktorja e dashur ishte “pasive-agresive” dhe se shakaja e saj nuk ishte e përshtatshme dhe se dukej sikur tallte gazetaren. Të tjerë argumentuan se statusi i saj si ‘e mira e Hollywood-it’ ishte i pamerituar.