Harry Styles ‘shmangi’ Met Gala-n e mbrëmshme në mënyrë që të shpëtonte veten nga rreziku i një ‘përplasjeje të vështirë’ me ish të dashurën e tij Olivia Wilde dhe me vajzën që po përflitet së fundmi Emily Ratajkowski.

Sipas një miku të 29-vjeçarit të famshëm të pop-it, i cili ishte njeriu i parë që arriti një kopertinë solo të American Vogue, Harry-t iu drejtua një ftesë për ngjarjen prestigjioze të Anna Wintour, por me mirësjellje refuzoi pasi mësoi se Olivia, 39, dhe Emily, 31 vjeç, ishin të dyja të pranishme.

“Harry ishte i ftuar në Met Gala, por duke e ditur që të dyja patjetër do të shkonin, ai e shmangu atë. Atij iu tha nga ekipi i tij se do të ndërmerrnin të gjitha hapat e nevojshëm për të siguruar që të mos kishte përplasje të vështirë me Olivia, por ai nuk po përpiqej ta rrezikonte fare. Harry nuk ka dëshirë të ketë një takim ballë për ballë me Olivia në këtë kohë”.

Met Gala shënoi herën e parë që Olivia dhe Emily kanë kryqëzuar rrugët që kur modelja u kap në kamera duke shijuar një puthje shumë publike me Harry-n në rrugët e Tokios.

Por ndërsa shfaqja tepër publike e Emily dhe Harry thuhet se e ka lënë Olivia-n të ndihet e ‘tradhtuar’, asnjëra nuk tregoi shenja tensioni mbrëmë kur u panë të dyja duke marrë pjesë në Met Gala, përpara se të shkonin në të njëjtën festë në pikën e nxehtë të qytetit të Nju Jorkut.

Megjithatë, Harry, i cili ishte në një lidhje me regjisoren e Don’t Worry Darling, Olivia për dy vjet deri në ndarjen e tyre në nëntor 2022, nuk ishte i gatshëm të merrte ndonjë rrezik kur bëhej fjalë për përplasjet e mundshme me dy gratë.