Një video është bërë virale në mediat sociale, ku gruaja e Princit William, Kate Middleton, shihet duke diskutuar për princeshën e ndjerë Diana. Videoja, e cili tashmë është hequr, tregonte Middleton duke folur për safirin blu 2-karatësh që i ishte dhuruar nga Princi i Uellsit kur i propozoi.

Ajo unazë i përkiste Lady D, nënës së Princit William dhe Princit Harry. Ajo ndërroi jetë pas një aksidenti tragjik me makinë në Paris në vitin 1997. “Është shumë e veçantë, çfarë nderi që mund ta vesh. Nuk e kam takuar kurrë, për fat të keq”, tha Middleton.

Kate beson se Diana do të kishte qenë një “gjyshe e shkëlqyer” dhe tha se ajo “i mungonte çdo ditë”. Një tjetër shtoi: “Duke parë që ajo flet për unazën e saj dhe se si ajo është e nderuar ta mbajë atë, mund të shihni se sa e vërtetë është ajo”.

Princi William dhe Kate Middleton u martuan më 29 prill 2011, disa vite pas vdekjes së Dianës. Makina me të cilën po udhëtonte Diana, një Mercedes-Benz S280, u përplas me një shtyllë betoni dhe ajo vdiq nga plagët e marra menjëherë pas aksidentit. Në këtë aksident humbën jetën edhe partneri i saj në atë kohë, Dodi Fayed dhe drejtuesi i makinës, Henri Paul.