Ndryshe nga besimi popullor, pirja e kafesë nuk do t’ju ndihmojë të kthjelloheni nëse keni kaluar një natë me alkool. Në disa situata, kombinimi kafeinë-alkool mund të jetë potencialisht i dëmshëm.

Kur filloni të pini, nivelet e alkoolit në gjak fillojnë të rriten, duke e vënë trupin në gatishmëri të lartë. Ky efekt zgjat rreth një orë ose një orë e gjysmë, por më vonë zëvendësohet nga një ndjenjë letargjie. Dhe pikërisht në këtë pikë kafeja mund t’ju ndihmojë të qëndroni zgjuar.

Por të jesh zgjuar, nuk do të thotë të jesh aspak i matur. Ende mund të vuani nga deficiti njohës i shkaktuar nga dehja dhe kjo mpirje do të kalojë vetëm pasi trupi të ketë metabolizuar alkoolin. Por si na mban kafeja vigjilent pavarësisht nga hangoveri?

Siç tha Dr. Robert Sëift, drejtor i asociuar i Qendrës së Universitetit Broën për Studimet e Alkoolit kafeina ndërhyn në veprimin e një kimikati të njohur si adenozinë. ‘Adenozina ka tendencë të jetë qetësuese dhe kur grumbullohet në tru, ne priremi të biem në gjumë.’ Duke bllokuar veprimin e adenozinës, kafeina ka aftësinë t’ju bëjë të ndiheni më pak të lodhur.

“Edhe pse kafeina ju mban zgjuar, më pak të lodhur dhe të përgjumur, ju duhet të jeni të vetëdijshëm se alkooli ende po metabolizohet në trupin tuaj gjatë dhe nuk ikën më shpejt vetëm sepse keni pirë kafe. Që do të thotë se efektet e tij mund të jenë ende potencialisht të rrezikshme”, tha Melissa Majumdar, një dietologe.

Dikush mund të mendojë, ‘Tani mund të ngas makinën’, por koha e reagimit mund të jetë e ngadaltë. Në një studim që përfshin gati 130 konsumues të rritur alkooli, tregoi se si pija ndikoi negativisht në kohën e reagimit dhe rezultoi në më shumë përplasje me automjet gjatë një provë të simuluar. Pra marrja e kafeinës nuk e përmirësoi aftësinë e drejtimit të njerëzve.

Konsumimi i kafeinës në gjendje të dehur do të bënte gjithashtu që të pini më shumë. Kafeina ju lejon të qëndroni zgjuar më gjatë dhe për këtë arsye ju lejon të pini për një periudhë më të gjatë kohore.