Meghan Markle po kërkon ndihmë nga ‘Mbretëria e Hollywood’. Dukesha e Sussex ka nënshkruar me William Morris Endeavor, dhe lajmin e konfirmoi agjencia e talenteve. ‘Archewell’, organizata dhe marka e krijimit të përmbajtjes që ajo themeloi me bashkëshortin Princ Harry në 2020, do të përfaqësohet gjithashtu nga WME.

Ekipi i Meghan tani përfshin agjentët Ari Emanuel, Brad Slater dhe Jill Smoller, të cilët janë po ashtu agjentë të figurave si Dwayne Johnson dhe Serena Williams. Partneriteti do të fokusohet në biznesin dhe sipërmarrjet krijuese të Meghan – por jo në aktrim, sipas ‘Variety’. Lajmi për marrëveshjen vjen tre vjet pasi Meghan dhe Harry, u tërhoqën si anëtarë të familjes mbretërore britanike dhe u zhvendosën në Kaliforni.

Që nga lëvizja transatlantike, ata kanë nënshkruar një marrëveshje prodhimi me Spotify – pjesë e së cilës përfshin podcastin e Meghan, ‘Archetypes’ – dhe publikuan një dokumentar të titulluar ‘Harry & Meghan’ nën partneritetin e tyre shumëvjeçar me Netflix. Dyshja mirëpriti gjithashtu vajzën Lilibet “Lili” Diana në qershor 2021, duke zgjeruar familjen e tyre.

Më 6 maj, Meghan do të humbasë kurorëzimin e vjehrrit të saj, Mbretit Charles III dhe Mbretëreshës Camilla në Londër, në mënyrë që të festojë ditëlindjen e katërt të Archie, e cila bie në të njëjtën ditë, në shtëpi. Megjithatë, një përfaqësues i çiftit konfirmoi se Harry do të jetë i pranishëm në ceremoninë e kurorëzimit.