Pritjes i vjen fundi! “And Just Like That 2” do të shfaqet në ekranet tona në qershor. Konfirmimi zyrtar erdhi pas trajlerit të ri për serialin, HBO Max dhe Sky, të cilët kanë konfirmuar datën e publikimit të episodeve të reja. Do të shohim Sarah Jessica Parker, Cynthia Nixon dhe Kristin Davis në rolet e tyre ikonë të Carrie, Miranda dhe Charlotte.

Si dhe në sezonin e parë të vazhdimit Sex and The City, Samantha (e luajtur nga Kim Cattrall) do të mungojë, pavarësisht se personazhi i saj është pjesë e shfaqjes.

Megjithatë, personazhet kryesore nga And Just Like That do të kthehen. Dhe gjithashtu do të ketë disa hyrje të reja që me siguri do t’i çmendin fansat. 

Duke na dhënë një ide se çfarë mund të presim nga episodet e reja të ardhshme, traileri në fakt ka treguar rikthimin në seri të dahsurisë së Carrie, Aidan Shaw  (luajtur nga John Corbett).

“Të gjithë jemi të pavetëdijshëm kur jeta jonë do të ndryshojë”, thotë zëri i Carrie Bradshaw në fillim të trailerit.

“Disa gjëra është mirë të lihen në të kaluarën, por ndoshta jo gjithçka, thotë Carrie, përpara se traileri të shfaqë një pamje paraprake të takimit të saj me Aidan Shaw, i cili shfaqet në pragun e shtëpisë së saj.

Për çfarë flet “And Just Like That 2”?

HBO Max dhe Sky deri më tani i kanë mbajtur mjaft të fshehta detajet e filmit, kështu që nuk dihet ende shumë për rikthimin e Aidan në “And Just Like That 2”; apo të episodeve të reja.

Në një intervistë, Sarah Jessica Parker, tha se: “Sezoni i dytë ka të bëjë me elasticitetin, rimëkëmbjen dhe të qeshurën. Do t’i ndihmojë ata njerëz që kanë përjetuar dhimbje të forta të gjejnë përsëri një buzëqeshje”.

Seriali gjithashtu do të vazhdojë të eksplorojë karakterin e Mirandës, ndarjen e saj me Steve dhe romancën e re me Che; dhe atë të Charlotte, e cila po zhytet në botën e komunitetit trans përmes fëmijës së saj Rok.