Fëmijët apo familjet nuk i ç’edukojnë gishtat e Belos, por modeli i të pasuruarit me korrupsion !

Nga Besart Xhaferri

Aldi dhe Mario janë dy fëmijë që sapo kanë nisur parashkollorin tek Vasil Shanto.

Aldit i punon babi hidraulik dhe mami shtëpiake, sepse kujdeset për Aldin dhe motrën e tij, ngaqë shkollat janë me kohë të shkurtër dhe me dy turne.

Gjyshërit i ka në Delvinë, nga ku kanë ardhur para 2 vitesh.

Jetesa në Tiranë është diçka që prindërit e tij menduan se do sjelli mundësi më të mëdha për fëmijët e tyre.

Marios i punon babi jurist pranë një banke dhe mami ekonomiste pranë një firme. Është fëmija i vetëm. Të dy bëhen shumë shokë dhe fillojnë nga klasa e dytë të shkojnë tek shtëpia e njëri tjetrit.

Në klasën e tretë, babi i Aldit punësohet në bashki si shef sektori. Aldi nis të vije në shkollë me rroba më të mira. Më vonë vjen me iphone të fundit. Më vonë fillon të mungoje te Hënave dhe të Premteve sepse bën pushime jashtë Tiranës dhe Shqipërisë.

Më vonë Aldi e fton Marion tek vila e tij e re në Qerret. Më vonë e fton tek shtëpia e tij e re në Farkë, e cila duket si një kështjellë nga apartamenti me qera që ishin tek pallati me shigjeta.

Në klasë të pestë Aldi ikën në shkollë private ndërkombëtare që kushton 12 mij Euro në vit.

Mami ndërkohë i ka filluar punë të mirë tek inceneratori fantazëm. Mario nga ana tjetër, nuk kupton se pse prinderit e tij janë të pa aftë.

Fillon krijon një urrejtje për ta sepse ai vazhdon tek Vasil Shanto, vazhdon të marri ushqimin me vete, vazhdon të kaloje fundjavat tek gjyshërit e tij, vazhdon të mos ketë iphonin e fundit dhe vazhdon të jetoje në apartamentin që prindërit e tij e kanë blerë me kredi dhe ju duhen dhe 20 vjet për ta shlyer.

Mario ka një fat aman!

Nuk ka parë gishtat e Belos në billboards, keshtu që është një fëmijë i edukuar, të cilin shoqëria jonë e mbrojti nga modelet e këqija të gishtave!

Ai kur mbushi 18 vjeç, vendosi të marri gomonen dhe të kaloje kanalin e La Manche.

Prej 1 viti punon në një shtëpi bari me shpresën se një ditë do të ketë të gjitha gjërat që Aldi i pati falë “zotësisë” së KORRUPSIONIT të prindërve të tij….

Fëmijët apo familjet nuk i ç’edukojnë gishtat e Belos, por modeli i të pasuruarit me korrupsion po!