“Hakmarrja” e Donald Trump në një libër

Nga letra e Oprah Winfrey drejtuar Kim Jong-Unit, libri i paralajmëruar i Donald Trump del të martën, më 25 prill, me dokumentet e korrespondencës së tij private me liderë politikë, anëtarë të vërtetë, yje të showbiz-it dhe emra të mëdhenj në ekonomisë, në një periudhë që fillon që para hyrjes së tij në Shtëpinë e Bardhë.

Titulli nuk lë vend për fantazi, “Letters to Trump”, letra Trumpit, por mund të quhej edhe “Hakmarrja”.

Çdo fragment përfshin një fotografi të autorit të letrës, natyrisht edhe një koment nga Trump.

Në një prej tyre, ylli televiziv Winfrey kishte shkruar “është për të ardhur keq që nuk kandidojmë së bashku” për Shtëpinë e Bardhë, në përgjigje të një pasazhi në një libër të Trump në vitin 2000, në të cilin manjati kishte deklaruar se, nëse do të kandidonte për President, do ta zgjidhte atë si zëvendëse.

“Amerikanët – u përgjigj Trump – respektojnë dhe admirojnë Oprah për inteligjencën dhe ndjeshmërinë e saj”.

Realisht, me kalimin e viteve kjo ndjenjë mes dy personazheve ka avulluar.

Winfrey fillimisht mbështeti Barack Obamën dhe më pas Joe Biden në garën për Shtëpinë e Bardhë. Kur mësoi se letra e saj ishte ndër ato që përfunduan në libër, ajo komentoi: “Kështu mendoja 23 vjet më parë, por jo tani. Nuk mendoj do të bënim një ekip të mirë së bashku”.

Mes dokumenteve të publikuara gjendet edhe një letër e liderit të Koresë së Veriut Kim Jong Un, së bashku me ato, nga Richard Nixon, Ronald Reagan, Bill Clinton, Princesha Diana, Hillary Clinton, Ted Kennedy, Mario Cuomo, Jay Leno dhe Liza Minnelli.

Shumë prej tyre, u ankua Trump, janë larguar prej tij dhe ai dëshiron t’u tregojë amerikanëve se çfarë kanë thanë për të, kur njëherë e një kohë, ata e donin.

Familjarët e Lady Dianës e mohuan tregimin e Trump, duke thënë se ish-gruaja e Princit Charles nuk e kishte pëlqyer kurrë atë. Libri ndoshta do të shërbejë për të sqaruar gjërat.