Apple është kompania me vlerë më të madhë në botë. Drejtimi i saj duhet të jetë një ‘tenxhere me presion’.

Por, nëse e keni parë ndonjëherë CEO Tim Cook në veprim, ai nuk duket si një njeri, që mban mbi supe peshën e një kompanie prej më shumë se 2 trilionë dollarësh.

Në kundërshtim me disa prej CEO-ve të tjerë të kompanive teknologjike, si Elon Musk, Cook duket të jetë imazhi i një lidershipi të qëndrueshëm dhe të patrazuar.

Cook është i entuziazmuar, se si Apple po e ndryshon botën për mirë. Ai vlerëson ekipin e tij dhe përshtypjet e klientëve.

Ai pretendon se e kontrollon me rreptësi kohën e shpenzuar para ekranit, për t’u siguruar që teknologjia po i shërben atij dhe jo anasjelltas.

Ku të shkoni me pushime nëse doni të takoni Tim Cook

Cook tregon se si më herët në karrierën e tij, ai mësoi të donte ecjen. Më vonë, kur u zhvendos në Kaliforni, aktivitetet në natyrë u kthyen në një pasion për të.

Në fakt, të kesh një hobi, frymëzon krijimtarinë, e cila mund t’i shërbejë punës sonë. Bërja e gjërave argëtuese jashtë zyrës, na ndihmon të performojmë më mirë në të.

Cook flet për dashurinë e tij për të kaluar kohën në Parqet Kombëtare të Amerikës. Nëse shpresoni të ndesheni me Cook-in gjatë pushimeve tuaja verore, drejtohuni në Yosemite ose Sion, e jo në ndonjë resort të bukur të huaj.

“Parqet kombëtare janë pastrues për mendjen”, thotë Cook. “Për një moment, ndihesh kaq i vogël. Vendi yt në botë duket kaq i vogël. Ai të vendos një perspektivë të madhe.”

Fuqia e pabesueshme e mahnitjes

Të kujtosh se je një grimcë në kozmos, nuk është thjesht një ripërtëritje e egos për CEO-t e famshëm. Shkenca tregon se, ndjenja e të qenët i vogël përballë madhështisë, lehtëson stresin dhe përforcon humorin.

Studime të ndryshme lidhin përjetimin e ndjenjës së vogëlsisë suaj, me sjellje më pro-sociale, përulësi dhe ndjenja bamirëse.

Më shumë mirësi është padyshim një gjë e mirë për botën, por është gjithashtu rrit humorin. Shkenca tregon se, mënyra më e mirë për t’u ndier më mirë kur jeni të dëshpëruar, është të silleni mirë me dikë tjetër.

“Ka mbi 60 parqe kombëtare atje,” thotë Cook. “Unë do t’i nxisja të gjithë t’i vizitojnë.” Nëse mundeni, patjetër që duhet. Por kjo nuk është vetëm një këshillë e mirë për adhuruesit e guximshëm të natyrës.

Qoftë një shëtitje, një muze arti ose një mbrëmje e kaluar duke vëzhguar yjet, të gjitha këto ripërtërijnë perspektivën tuaj dhe eliminojnë stresin.

Nëse këto zakone mund ta ndihmojnë Cook-in të drejtojë Apple pa u lodhur shumë, mund të ndihmojnë çdo sipërmarrës të ketë sukses.

/ Inc