Statistika është kjo: Afërsisht, në çdo tre burra, njeri nuk i qëndron besnikë gruas gjatë martesës.

Këtë shifër e thotë këshilltari i martesave M.Gary Neuman, në librin e tij të vitit 2008 “The Truth about Cheating: Why Men Strey and What You Can Do to Prevent It”.

Ai intervistoi qindra burra, me synimin që të kuptonte pse ata nuk u qëndrojnë besnikë grave të tyre. Ja disa konkluzione:

• Pavarësisht, çfarë mendojnë shumë njerëz, e vërteta është se shumë burra bëjnë seks jashtë martese, jo pse gratë e tjera janë fizikisht më tërheqëse nga gratë e tyre.
• 92 përqind e burrave që tradhtojnë gratë u përgjigjën, se seksi nuk është arsyeja e parë pse ata nuk janë besnikë.
• 88 përqind e të anketuarve thanë se gruaja tjetër nuk u dukej më e mirë dhe nuk ishte në formë fizike më të mirë se gruaja.
• Shumica thanë, “ekziston një shkëputje emocionale që i bën të ndjehen të nënvleftësuar nga gratë e tyre”.
• Burrat edhe pse duken të fortë, të fuqishëm dhe të aftë, brenda vetes ata janë të pasigurt. Ata kërkojnë të gjejnë dikë që t’i ngrejë më lart psiko-emocionalisht dhe t’i bëjë ata të ndjehen më të vlefshëm.
• 55 përqind e burrave që tradhtojnë nuk ua kanë treguar grave të tyre këtë, ose kanë gënjyer kur u është dashur të përballen me fakte të forta.
• Vetëm 7 përqind e burrave që kanë tradhtuar e pranojnë në mënyrë definitive atë që kanë bërë.
• Shumica e burrave i takojnë gratë me të cilat do kenë afera në vendin e punës, ose përmes një miqësie që zhvillohet kur ndjekin një aktivitet me interes të përbashkët.