Mix
Rachel McAdams i tregon botës qimet nën sqetull: Ky është trupi im!
Rachel McAdams bëri bujë me fotosesionin e saj të fundit, në të cilin ajo tregon me krenari qimet nën sqetull. Aktorja, e cila është 44 vjeçe, pozoi për revistën Bustle në një fotosesion të modifikuar minimalisht duke treguar trupin e saj tepër në formë.
Në një nga fotot, McAdams ulet në një divan prej kadifeje e veshur me të brendshme latex, ndërsa tregon sqetullën e padepiluar.
Në një tjetër foto, ajo pozon me një fustan të bardhë pa mëngë që i ngjitet pas trupit, duke treguar edhe një herë qimet natyrale të trupit.
Aktorja kërkoi një redaktim minimal të fotove, duke i thënë Bustle: “Ky është trupi im dhe mendoj se është shumë e rëndësishme ta pasqyrosh siç është në botë. Është në rregull të dukesh më mirë, të punosh për të dhe të jesh i shëndetshëm, por kjo është ndryshe për të gjithë.“
