Aktorja dhe ish-modelja kolumbiane, Lorena Forteza sot është 47 vjeçe. Ajo njohu kulmin e karrierës së saj në gjysmën e dytë të viteve 90-të falë filmit “Il Ciclone” (Cikloni) të Leonardo Pieraccioni. Më pas çuditërisht ajo u shkëput nga bota e spektaklit dhe u tërhoq pothuajse tërësisht në jetën e saj private.

Në filmin kult, ajo luan rolin e Katerinës, një kërcimtare flamengo spanjolle, e cila së bashku me grupin e saj përfundojnë rastësisht në fermën e protagonistit, Levante. Ky i fundit bie marrëzisht në dashuri me balerinën bukuroshe, e cila megjithatë po përjeton një lidhje me të dashurin e saj Alejandro. Me një fund të lumtur, filmi ka situata, batuta, por edhe mesazhe për jetën.

Ishte Pieraccioni që e vuri re bukuroshen në një reklamë për një linjë këpucësh sportive të transmetuara nga një rrjet komercial. Ai e kuptoi menjëherë që Lorena ishte ajo që po kërkonte për rolin e balerinës Katerina. Dhe ajo u bë një simbol seksi në vitet 1990.

Më pas ka qenë vetë Lorena Forteza që ka thënë hapur se ka përjetuar një periudhë të fortë krize depresioni të shkaktuar nga brishtësia. Para së gjithash, duke mos ditur se si të menaxhonte më së miri popullaritetin pas filmit. Përveç menaxhimit të popullaritetit erdhën edhe problemet me ish-bashkëshortin Damiano Spelta që i bëri gjërat edhe më keq.

Pas ndarjes, djali i tyre Ruben iu besua babait të tij, një kusht që e bëri atë të tërhiqej nga skena. Kjo shkëputje e gjatë nga qendra e vëmendjes ishte e nevojshme për të rigjeneruar dhe gjetur qetësinë e duhur. Kur situata e saj u përmirësua, aktorja mundi të shihte sërish djalin e saj, duke rikuperuar edhe marrëdhënien me ish-bashkëshortin.

Tashmë, në moshën 47-vjeçare ajo i është rikthyer botës së modës. Falë bukurisë dhe elegancës së saj, Lorena Forteza ka fituar rolin e figurës së parë për një markë veshjesh plus size. Lorena rrëfen tani se vendosi të dëgjonte zërin e saj. Tashmë flet për tema si mëmësia, lufta kundër dhunës me bazë gjinore dhe shpresa ndërsa nuk përdor mediat sociale. 

©Corriere,