Policia është në kërkim të sozisë së Princit Harry, vodhi çanta, PC dhe kufje

Policia është në kërkim të sozisë së Princit Harry, i akuzuar se ka vjedhur në një makinë sende të ndryshme me vlerë dhe tashmë është në telashe të mëdha.

Policia e Hertfordshire në Angli ka publikuar disa pamje në të cilat shihet qartë fytyra e të dyshuarit i cili ngjan në mënyrë të habitshme si Duka i Sussex-it.

Pamjet po bëjnë xhiron e rrjeteve sociale dhe ndjekësit po argëtohen duke komentuar.

Princi Harry është aktualisht në qendër të thashethemeve për pjesëmarrjen e tij në kurorëzimin e mbretit Charles III që do të bëhet më 6 maj.

Mirëpo në këto orë Duka e ka gjetur veten padashur protagonist të një historie që ka të bëjë me kronikën angleze. Policia e Hertfordshire është në kërkim të një hajduti që dyshohet se vodhi një çantë Louis Vuitton, një kompjuter dhe kufje Apple.

Policia ka publikuar një video të të dyshuarit për identifikimin e tij, por ngjashmëria mes tij dhe Harryt ra në sy të përdoruesve të cilët nuk u kursyen në komente.

Videoja e policisë angleze bëri xhiron e rrjeteve sociale dhe u mblodh edhe nga faqja “UK Cop Humor” në Twitter.

Komentet thumbuese u shfaqën poshtë postimit që përmendnin Harry dhe Meghan Markle.

Kishte nga ata që shkruanin “Dalja e parë e Harry -t pa Meghan”, “Nuk duhet të jetë shumë mirë në Los Angeles” apo edhe “Libri i Harry -t nuk duhet të ketë ecur aq mirë sa pritej”.