Radar
Iran, ekzekutimet pothuajse u dyfishuan në vitin 2022
Ekzekutimet në Iran u rritën me 75% në vitin 2022, me 582 varje krahasuar me 333 një vit më parë.
Këto shifra dalin nga dy organizata të të drejtave të njeriut që e përkufizojnë regjimin si një “makinë vrasëse” që synon të fusë frikën në vend.
582 ekzekutimet – deklaron OJQ-ja norvegjeze Iran Human Rights (IHR) dhe Together Against the Death Penalty (ECPM), me bazë në Paris – përfaqësojnë shifrën më të lartë të regjistruar në Republikën Islamike që nga viti 2015.
Që nga shtatori 2022, Irani është tronditur nga protesta masive, të shtypura ashpër nga autoritetet, të shkaktuara nga vdekja në paraburgim e Mahsa Amini, e cila u ndalua për mos mbajtjen e duhur të shamisë.
