Nipi i ish-presidentit të Francës, François Mitterrand, lavdëron cilësitë e Pitt si aktor dhe si burrë, në faqet e biografisë së tij, e cila pritet të dalë më 13 prill, siç raporton gazeta franceze “Le Figaro”.

Politikani dhe shkrimtari francez ka treguar gjithmonë një interes të veçantë për kinemanë. Në një intervistë që ka dhënë për rrjetin radiofonik francez “Europe 1” për të promovuar librin e tij, ai ka bërë të qartë se ish-bashkëshorti i Angelina Jolie është heroi i tij i vetëm në “ekranin e madh”. Filmi biografik do të mbulojë karrierën e Brad Pitt si aktor me sukseset dhe dështimet e tij, si në jetën e tij private ashtu edhe në film.

“Kam shkruar një libër për Brad Pitt sepse e dua”, thotë politikani francez, duke treguar se do të botohet nga shtëpia botuese “XO”. “Pete është një djalë i vërtetë: seksi, i fortë, aventurier dhe jam i sigurt se do të më mbronte nëse do të kisha nevojë për të. Sepse ai ka edhe dobësitë e burrave të vërtetë që e dinë se sa e vështirë është jeta. Ai ka deklaruar se ka përjetuar periudha të depresionit të rëndë, ashtu si unë. Të shkruash për të është gjithashtu një mënyrë për të ndarë problemet tuaja,” argumenton Mitterrand.

Politikani dhe autori francez thotë gjithashtu se edhe pse ka kërkuar të takohet personalisht me Brad Pitt, ai deri më tani nuk i është përgjigjur kërkesës së tij.

Vlen të theksohet se Frédéric Mitterrand, i cili ishte ministër i Kulturës në kohën e Nicolas Sarkozy, nuk e ka fshehur pasionin e tij për “burrat e bukur”. Në librin e tij, Récréation, botuar dhjetë vjet më parë, ish-ministri tregoi tërheqjen e madhe që ndjente për kolegët e tij të kabinetit dhe djemtë e tyre adoleshentë, si dhe për ambasadorët, yjet e televizionit dhe madje edhe presidentin sirian Bashar al-Assad.

Ish-ministri që ka deklaruar se është homoseksual, tregon gjithashtu se Christine Lagarde, asokohe ministre e financave e Francës, po e tërhiqte nga… xhaketa për ta bërë të ndryshonte sjellje.