Mix
Videoja shqetësuese ku puth një djalë në buzë: Dalai Lama kërkon falje për incidentin
TWITTER
Dalai Lama i thotë një djali të vogël ta puthë në buzë dhe t’i thithë gjuhën në një video e cila është shpërndarë me shpejtësi në rrjetet sociale dhe pas polemikave, i kërkoi falje familjes së djalit dhe admiruesve në të gjithë botën.
Videoja është xhiruar në shkurt, gjatë një eventi në Indi, në qytetin Dharamshala, por është bërë virale dje. Shumë njerëz në rrjetet sociale kanë reaguar për veprimin e çuditshëm.
Zyra e Dalai Lama-s, në një deklaratë, tha: “Dalai Lama do t’i kërkojë falje familjes së djalit, si dhe miqve të tij në mbarë botën për lëndimin që fjalët e tij mund të kenë shkaktuar”.
Gjithashtu, shtuan se 87-vjeçari është penduar për veprimet e tij, duke u shprehur se “ai i ngacmon njerëzit që takon në një mënyrë të pafajshme dhe lozonjare, edhe në publik dhe para kamerave”.
Në fillim të videos, shihet një djalë i vogël rreth 10-11 vjeç, i cili drejtohet për te fituesi i çmimit Nobel. Vogëlushi e pyet nëse mund ta përqafojë dhe Dalai e fton në skenë, duke drejtuar gishtin te faqja e vet dhe duke i thënë djalit që ta puthë në faqe.
Më pas, ai drejton gishtin për te buza dhe i thotë djalit që ta puthë edhe në buzë. Më vonë, e tërheq djalin dhe e puth. Pas puthjes, Lama nxjerr gjuhën dhe i thotë djaloshit që “t’i thithë gjuhën”. Identiteti i vogëlushit mbetet anonim.
Njerëzit në Twitter e kanë quajtur veprimin të neveritshëm dhe dikush e cilësoi Dalai Lama-n si “pedofil”.
https://twitter.com/ricwe123/status/1644673141422137344?ref_src=twsrc%5Etfw%7Ctwcamp%5Etweetembed%7Ctwterm%5E1644673141422137344%7Ctwgr%5E9d029977546e53932055991485a0b351f9ab4bc8%7Ctwcon%5Es1_&ref_url=https%3A%2F%2Fwww.anabelmagazine.com%2Fnews%2F69495%2Fvideoja-shqetesuese-ku-puth-nje-djale-ne-buze-dalai-lama-kerkon-falje-per-incidentin
Pedophile
— Shayq (@sabeershayq) April 9, 2023
Megjithëse Dalai Lama është një prej promovuesit më të njohur të budizmit në botë, sërish, jeta e tij ka qenë e mbushur me polemika kontraverse. Në vitin 2019, në një intervistë me BBC, Dalai ka thënë se nëse do të ketë një version grua, duhet të jetë më tërheqës. Pas debatit që shkaktoi, sërish zyra reagoi dhe tha se deklarata ishte thënë në mënyrë të çiltër dhe aspak fyese.
