Telefoni është kthyer në “mikun” e ngushtë  të shumë fëmijëve, por përdorimi me orë të tëra i tyre po ndikon në zhvillimin e të vegjëlve.

Specialistët konstatojnë se pajisjet elektronike po i bëjnë fëmijët të mbyllur në vetvete, të shpërqendruar ose me vështirësi në komunikim.

“Lidhen  me gjuhën e kuptuar, të folur, por edhe në sjellje. S’di si të ndërveprojë me moshatarët e tij.  Mund të ketë fjalor të pasur, por ai vetë nuk di të komunikojë në mënyrë funksionale. Nuk shijon ushqimin  që ka përpara, nuk percepton sasinë e ushqimit që ha. Vëmendja nuk është e fokusuar tek aktiviteti i përditshëm, humbet interesin, mund të jenë pasiv ose të shpërqëndruar.”

Problemet janë theksuar më tepër pas pandemisë së Covid-19. Prandaj këtë vit fokusi i specialistëve  në muajin e ndërgjegjësimit për çrregullimet e spektrit autik është tek autizimi virtual që krijohet nga  ekspozimi i gjatë ndaj telefonit, tabletit apo televizorit.

 “Ne duhet të bëhemi shokë të lojës së tyre.  Një fëmijë është ende i pazhvilluar nga ana neurologjike, e ka të vështirë të kuptojë çfarë thuhet nga ekrani. Deri në moshën 3 vjeç e gjysmë 4 sa të ketë pjekurinë e neuroneve të tij të mos ekspozohet ndaj ekraneve. “

Në mbarë botën numri I fëmijëve me çrregullime të spektrit autik është rritur. Nëse para dy  vitesh me këtë çrregullim konstatoheshin  1 në 44 fëmijë tashmë numri ka zbritur në në 1 në 36. Në Shqipëri nuk ka shifra të sakta. Shkaqet e shfaqjes së autizimit janë ende të panjohura, por sipas mjekëve përgjegjës janë faktorë gjenetikë ndërthurur me ato mjedisorë.