Nuk ka zgjatur as dy ditë premtimi i kryeministrit Edi Rama, i cili tha se fushata e PS për këto zgjedhje vendore do të jetë modeste, pa ndotje akustike dhe mitingje, ndërsa siç premtoi gjatë Forumit Ndërkombëtar të Turizmit, gjysma e parave të fushatës do të shkonte për mbjellje pemësh.

Por edhe pse 9 ditë para nisjes zyrtare të fushatës, në Fier është çelur fushata me çdo element nga ato që kryesocialisti Edi Rama tha se nuk do të ishin. Drejtuesi Politik i PS, Taulant Balla është shfaqur në një podium, me televizorë gjigantë LED pas shpinës së tij, si dhe me sistem audio që oshëtin gjithandej nëpër qytet.

“Me këtë lajm, duke qenë se fushata nis me 14 prill dhe mbaron me 14 maj, por deri në fund të prillit është koha e fundit për të mbjellë fidanë, paratë e fushatës për regji, podiume, mitingje, mikrofona e ndotje akustike, do t’i vëmë në dispozicion të fidanëve”, do të deklaronte Rama dy ditë më parë.

Në këtë event janë mbledhur dhe një numër i madh qytetarësh, që me flamuj në dorë brohorasin në përkrahje të forcës së tyre politike, teksa duket se s’kanë lënë gjë mangut sa i përket shpenzimeve.

MItingu i PS në Fier