Industria e lojërave po lulëzon dhe parashikohet të rritet në 320 miliardë dollarë deri në vitin 2026, por çdo vit po sjell evolucione të reja.

Viti 2022 pa publikime masive në lojëra (Elden Ring dhe God of War Ragnarök) dhe media të bazuara në lojëra (filmat Uncharted dhe Sonic the Hedgehog 2).

Në vitin 2023 janë publikuar seriale televizive të bazuara në një lojë, The Last of Us nga HBO, dhe filmi i shumëpritur i Super Mario Bros, i cili do të dalë në prill.

Por cila lojë është më e mira, apo më e suksesshmja? Ky debat mund të mos përfundojë kurrë, por nga raportet e kompanisë dhe të dhënat e shitjeve të grumbulluara nga Wikipedia, grafiku i Samuel Parker-it për videolojërat më të shitura që nga 3 marsi 2023, të paktën mund të na tregojë se cilat prej tyre kanë qenë më të njohurat.

Dhjetë videolojërat më të shitura në histori

Videoloja më e shitur nuk kishte nevojë për buxhete të larta, për rrëfime 60-orëshe, apo për aktorë zëri të famshëm dhe për reklama. Loja e zhvilluar në mënyrë të pavarur (independently-developed, indie) Minecraft, me blloqet e tij të pikseluara, zë vendin e parë në këtë listë.

Minecraft shiti më shumë njësi sesa Grand Theft Auto 5 (#2) dhe Red Dead Redemption 2 (#8), të marra së bashku. Këto lojëra janë të dyja të prodhuara nga gjigandi i industrisë Rockstar.

Popullariteti i tij i jashtëzakonshëm është kredituar për lojën e tij të thjeshtë (pa gola), strukturën krijuese dhe komunitetin e angazhuar dhe krijimet shtesë të veçorive të tjera (të njohura si mods).

Një tjetër favorit i thjeshtë, Tetris, vjen në vendin e tretë, me 100 milionë njësi të shitura nga ri-publikimi i tij në 2006. Mijëvjeçarët (millenials) vazhdojnë të përbëjnë një pjesë të madhe të tregut të video-lojërave demografike, në këtë mënyrë mund të shpjegohen edhe shitjet e Tetris.

Loja më e vjetër, që hyn në listë, është Super Mario Bros. (#7), e ri-vlerësuar me ringjalljen e industrisë së video-lojërave, pas rënies në vitin 1983. Scroller-i origjinal është shitur 58 milionë kopje në mbarë botën.

Titani japonez i videolojërave Nintendo ka tre lojëra (Super Mario Bros., Mario Kart, Wii Sport/Fitness) në top 10 dhe tetë të tjera në 20 më të mirat. Kjo nuk përfshin bashkëpronësinë e tij të Pokémon, media me fitimin më të madh në botë.

/ Visual Capitalist