Një animacion dramatik tregon momentin kur Jeremy Renner u tërhoq zvarrë nga borëpastruesja në shtëpinë e tij në Nevada në ditën e Vitit të Ri. Tani mund të ecë vetëm me një shkop.

Renner, 52 vjeç, ishte me fat që jetoi pas aksidentit të tmerrshëm.

Në një intervistë me Diane Sawyer, të transmetuar të enjten mbrëma, ai dhe familja e tij rindërtuan ngjarjet që çuan në incident dhe treguan për luftën e tij të jashtëzakonshme për mbijetesë.

Renner tha se ai dhe nipi i tij, Alex Fries, po përpiqeshin të pastronin rrugën jashtë shtëpisë në mënyrë që familja të mund të bënte ski.

Fries po përpiqej të manovronte një kamionçinë dhe Renner ndihmoi në pastrimin e borës. Aty ndodhi aksidenti.

Renner u rrëzua dhe më pas u përpoq të kthehej në kabinë ndërsa gomat ishin ende në lëvizje dhe u fut nën to.

“Isha në asfalt dhe akull. Po shihja yjet”, tha Jeremy.

Kurse Fries pa se çfarë ndodhi dhe vrapoi për t’i dhënë ndihmë.

“Kur vrapova tek ai, nuk mendova se ishte gjallë. Është shumë e frikshme”.

Ai theu 12 brinjë në njërën anë dhe dy në anën tjetër – ai pësoi një thyerje të gjurit të djathtë, kyçin e këmbës dhe shpatullën e djathtë; një mushkëri e kolapsuar; nofulla e thyer dhe një mëlçi të shpuar.

Në total, ai theu më shumë se 30 kocka – 15 për qind e eshtrave të tij u prekën.

Megjithatë dalëngadalë po e rimerr veten.