Në Shqipëri nuk ka elektorat gri, ka vetëm frikacakë !

Koment nga Podiumi.com

Elektorat gri janë ata që nuk u intereson politika, që nuk duan t’ia dinë fare. Kanë pasionet e tyre, jetën e tyre, madje shkojnë deri aty sa nuk dine as emrin e kryeministrit të tyre.

Në botë ka plot raste të tilla, në vox pope rruge, kur pyeten nuk dinë as emrin e kryeministrit.

Elektorati gri gjendet kryesisht ne vendet me popullsi te madhe Amerike, Gjermani etj.

Por gjendet edhe në vende shumë të vogla por që janë super të pasura Monaco, etj

Kur vjen puna te vende të tilla si Shqipëria me sistem patronazhisti, aktivisti etj, as bëhet fjalë të flitet për elektorat gri, as nuk bëhet fjalë.

Qyetet shqiptare ku të gjithë njohin njëri-tjetrin të diktojnë edhe kafenenë që duhet të frekuentosh. Te ajo kafe shkojne të PD-së, te ajo tjetra të një partie tjetër e kështu me radhë.

Punësimi në shtet është një arsye tjetër madhore pse në Shqipëri nuk ka elektorat gri. Mjafton një i punësuar në shtet në fis, dhe për hatër të tij i gjithë fisi është i detyruar të votojë partinë që e punësoi, ose më e pakta të mbajë gojën mbyllur.

Nëse ke biznes je akoma dhe më keq, nuk mund të jesh elektorat gri sepse të përndjekin tatimorët

E vetmja mënyrë për të qenë elektorat gri është të jesh emigrant, sepse duke jetuar këtu nuk të lënë.

Ata që sillen si elektorat gri apo asnjanës në Shqipëri janë njerëz të trembur nga pushteti dhe kaq