Emily Ratajkowski po planifikon të zgjerojë familjen, me ose pa partner

INSTAGRAM

Emily Ratajkowski thotë se do shumë që t’i dhurojë djalit të saj, Sylvester, një motër ose vëlla në të ardhmen, por vetë ajo ndihet e pasigurt nëse do të gjejë një partner që të mund të rrisë fëmijët.

“Mendoj shumë për këtë. Shumë mikesha të miat kanë ngrirë vezët, për të pasur më shumë kohë në dispozicion, për karrierën, për të njohur partnerin potencial, por njoh edhe shumë njerëz që bëjnë IVF* sepse nuk mund të mbeten shtatzënë në mënyrë natyrale”, tha modelja.

IVF* – (Fertilizim in vitro) është një ndër metodat që përdorin njerëzit kur kanë probleme me mbetjen shtatzënë. Gjatë procedurës, veza shkëputet nga vezorja e gruas dhe fertilizohet me spermën në laborator. Veza e fertiluzuar/ fekonduar quhet “embrion” dhe transferohet në mitrën e nënës për t’u rritur dhe zhvilluar.

Emily shtoi: “Mendoj se të pasurit baba është mjaft e rëndësishme. Por, dua të them edhe se njoh disa gra që ia kanë dalë vetë dhe kanë bërë një punë fantastike. Kanë fëmijë të mrekullueshëm dhe personalisht, mua më ka pëlqyer ta rris vetë fëmijën. Kështu që, nuk do e kisha problem shtatzëninë dhe rritjen e një fëmije si një nënë beqare”.

Emily është nëna e një djali, Sylvester (a.k.a Syl), për të cili bashkëprindëron me ish-bashkëshortin, Sebastian Bear McClard. Syl është 2 vjeç dhe ka lindur në mars të 2021-shit. Emily dhe Sebastian u ndanë vitin e kaluar, pas pretendimeve se ish-bashkëshorti e kishte tradhtuar disa herë modelen. Që prej asaj kohe, Emily ka dalë me disa personazhë të njohur dhe rishtazi, u filmua duke u puthur me Harry Styles.