Ish-presidenti i SHBA-së, Donald Trump është shfaqur shumë optimist, duke deklaruar në një rrjet amerikan se mund t’i japë fund luftës së Putinit në Ukrainë brenda 24 orëve.

Siç raporton gazeta amerikane “New York Post”, miliarderi amerikan mund të arrijë brenda një dite atë që Perëndimi nuk mundi përmes negociatave të përsëritura me të dyja palët: të vendosë një “fre” në armiqësitë që kanë nisur që nga 24 shkurt 2022 me iniciativë të presidentit rus, Vladimir Putin.

Në një intervistë me reporterin e Fox News, Sean Hannity, 76-vjeçari Trump pohoi se nëse lufta në Ukrainë nuk ka përfunduar deri në zgjedhjet presidenciale të vitit 2024 dhe ai do të rizgjedhej në Shtëpinë e Bardhë, ai mund të “hynte në një ditë për të gjetur një marrëveshje paqeje.

Madje ai pretendoi se negociatat mes tij, presidentit ukrainas Volodymyr Zelensky dhe liderit rus Vladimir Putin do të ishin “të lehta”.

“Nëse nuk ka zgjidhje për luftën (deri në zgjedhjet e 2024), unë do të gjej një zgjidhje për çështjen e luftës brenda 24 orëve me Zelensky dhe Putin dhe mund të bëj një negocim shumë të lehtë, por nuk dua t’ju them për çfarë bëhet fjalë sepse atëherë nuk do të mund ta përdor. Unë do të jem në gjendje të sjell paqen brenda një dite”, përsëriti ai.

Trump theksoi gjithashtu se, në kohën kur mbahen zgjedhjet presidenciale në SHBA, “lufta në Ukrainë mund të përkeqësohet shumë”