Cameron Diaz thuhet se po tërhiqet përgjithmonë nga aktrimi pas përfundimit të ‘Back in Action’ të Netflix me Jamie Foxx, në mënyrë që ajo të mund të fokusohet tërësisht në rritjen e vajzës së saj 3-vjeçare, Radix.

“Ato 10 orë rresht në xhirime ishin shumë për të dhe ajo nuk dëshiron të jetë larg Radix”, tha një burim i afërt me aktoren për Daily Mail. “Cameron pëlqen të jetë nënë më shumë se çdo gjë tjetër në botë.”

Ndërsa bashkëshorti i Diaz, Benji Madden, është mbështetës i karrierës së saj të aktrimit, e njëjta gjë nuk është e vërtetë për të pasi orët e gjata të xhirimeve “e kanë lodhur”.

“Edhe pse ajo po shihte familjen e saj gjatë xhirimeve të filmit, nuk është njësoj”, pohoi i njëjti burim.

Diaz, 50 vjeç dhe Madden, 44, u martuan në 2015 dhe mirëpritën Radix në 2019.

Një vit para se të lindte fëmija i tyre, Diaz tha se do të tërhiqej nga aktrimi.

Por aktorja i befasoi fansat e saj kur iu rikthye aktrimit për të luajtur së bashku me Fox, 55, në komedinë e ardhshme aksioni të Netflix, e cila pritet të dalë në vitin 2024.