Të gjithë po flasin për premierën e turneut ‘The Eras’ të Taylor Swift

Këngëtarja e njohur i dhuroi të pranishmëve momente unike gjatë tre orëve. Madje fansat e saj kishin shumë për të thënë pas përfundimit të spektaklit.

Pas një interpretimi në piano të këngës së ‘Tim McGraw’, e vetmja këngë që ajo interpretoi nga albumi i saj i parë, Taylor u ngrit në këmbë dhe shkoi në skajin e skenës.

E veshur me një fustan ngjyrë të kuqe, ajo u zhyt në një pishinë. Efektet speciale vizuale dhe zanore e bënë skenën të dukej si një pishinë, me Taylor që notonte deri në fund.

Në ekranin e madh, këngëtarja u pa teksa dilte nga ‘pishina’ përmes një shkalle dhe ngjitej në re, përpara se kërcimtarët e saj të dilnin në skenë.

Më pas Taylor doli nga fundi i skenës e veshur me një pallto ngjyrë vjollce dhe filloi të performonte këngën e saj më të fundit’Lavender Haze’ nga albumi i saj i fundit Midnights.

Në videot e zhytjes, tifozët dukshëm të tronditur mund të dëgjohen duke bërtitur “Oh Zot!”.

Në rrjetet sociale, reagimet ishin pothuajse të njëjta, me fansat të mbetur të shtangur dhe pa fjalë nga spektakli në skenë.

“Mendja e saj është diçka tjetër. Çfarë dreqin pashë? Wow,” komentoi dikush i habitur.

Një tjetër bërtiti: “Kjo është gjëja më…më e sëmurë që kam parë ndonjëherë”.

“Kjo ishte vërtet e çmendur, ajo mund të mbajë frymën e saj për një kohë të gjatë,” komentoi një i tretë.

Turneu vazhdon në Amerikën e Veriut deri në gusht.

In a stunning bit from her new Eras Tour, Taylor Swift shocks fans by diving off the stage, then appearing to swim beneath it. pic.twitter.com/jfrwCvQROn

— Mike Sington (@MikeSington) March 19, 2023