Sipas listës, të rillogaritur me inflacionin, vetëm dy futbollistë nderojnë atë që konsiderohet sport i varfër edhe pse më popullori në botë

Ka gjithsej katër lojtarë golfi në mesin e sportistëve më të paguar në botë, përveç LeBron James, Lionel Messi dhe Roger Federer, që u përkasin disiplinave të ndryshme sportive.

LeBron James apo Michael Jordan? Nuk ka konsensus mes specialistëve se  kush është basketbollisti më i mirë i të gjitha kohërave, sikurse nuk ka as për futbollistët: Messi, Pele, Maradona, apo Ronaldo?

Por kur bëhet fjalë për pasurinë, janë shifrat ato që shuajnë diskutimet.

Sportica.com publikoi së fundmi listën e sportistëve më të paguar në botë, të të gjitha kohërave.

Sipas listës, të rillogaritur me inflacionin, Michael Jordan është sporti më i paguar në historinë e sportit botëror, duke fituar rreth 3.3 miliardë dollarë, që kur nisi karrierën si profesionist në vitin 1984 dhe deri në mbylljen e saj. Sportisti i golfit, Tiger Woods, lojtari më i famshëm i këtij sporti në SHBA, e pason atë me 2.5 miliardë dollarë.

Vendi i tretë dhe i katërt u përkasin gjithashtu lojtarëve të golfit: lista vazhdon me Arnold Palmer (1.7 miliardë dollarë), i cili vdiq në vitin 2016 në moshën 87-vjeçare dhe Jack Nicklaus (1.63 miliardë dollarë), i cili sot është 83 vjeç.

Ylli aktual i futbollit Christiano Ronaldo (1.58 miliardë dollarë), LeBron James (1.53 miliardë dollarë), një nga emrat më të njohurit e basketbollit, kampioni në fuqi i botës Lionel Messi (1.48 miliardë dollarë), dhe boksieri i vetëm në listë, Floyd Mayweather (1.41 miliardë dollarë) dollarë) vijojnë listën e 10 miliarderëve.

Tenisti i vetëm në listë është Roger Federer (1.38 miliardë dollarë). Lojtari i golfit Phil Mickelson (1.36 miliardë dollarë) mban  vendin e 10-të në listën e 10 sportistëve më të pasur të të gjitha kohërave.

Lista tregon se futbolli, ndonëse sporti më popullor në botë, falë dyshes Messi dhe Ronaldo është futur vetëm gjatë viteve të e fundit në listën e miliarderëve. Ikonat e së kaluarës si Maradona, Pele, Krujf mbeten shumë pas listës së sportistëve më të paguar në histori.

Gjithsesi, nëse në Shqipëri për arsimin buxheti i shtetit akordon gjithsej sot afro 500 milionë euro në vit, secili nga 10 sportistët miliarderë të botës, ka një pasuri të paktën dy herë më të lartë.

Është Shqipëria e varfër, apo bota e padrejtë?!