Në sezonin e gjashtë të serialit The Crown do të portretizohet Princi William dhe Kate Middleton, pra hapat e marrëdhënies së tyre, duke nisur që nga mënyra se si janë njohur.

Sezoni i ardhshëm, i gjashtë dhe i fundit i xhirimeve të serialit të njohur të dramës mbretërore filloi pranë Universitetit të St. Andrews në Skoci, ku Princi dhe Princesha e ardhshme e Uellsit u takuan dhe ranë në dashuri si studentë kolegji.

Një foto, e cila ka pushtuar internetin, kap takimin/përballjen e parë të personazheve gjatë vrapit.

Skena, e xhiruar pranë St. Andrews, besohet se përshkruan momentin e saktë kur Princi dhe Princesha e ardhshme e Uellsit panë për herë të parë njëri-tjetrin si studentë.

Nuk dihet nëse ishte kështu në realitet. 

Por Kate, gjatë intervistës së dhënë për “ITV” në vitin 2010 me rastin e fejesës së saj zyrtare me William, kishte zbuluar diçka për takimin e tyre të parë: “U bëra e kuqe dhe u ndjeva shumë e turpshme”. 

Sezoni i gjashtë i Crown pritet të shfaqë periudhën e fundit të viteve ’90 dhe fillimin e viteve 2000 për familjen mbretërore, duke përfshirë fillimin e historisë së dashurisë së Princit William dhe Kate.