Bob Dylan paralajmëroi mëngjesin e sotëm 5 koncerte verore. Në korrik do të mbajë 5 koncertet në Itali për të promovuar albumin e ri “Rough and Ways Days”.

Kantautori do të performojë në dy mbrëmje radhazi në Teatro degli Arcimboldi në Milano (më 3 dhe 4 korrik 2023) dhe më pas do të ngjitet në skenë në dy nga festivalet më prestigjioze italiane: Lucca Summer Festival (më 6 korrik) dhe Umbria Jazz (më 7 korrik). Dylan do të mbyllë serinë e koncerteve që do ta rikthejnë në Itali pas 5 vitesh në Romë, në Sala Santa Cecilia të Auditoriumit Parco della Musica (9 korrik).

“Rough and Rowdy Ways”, albumi i publikuar nga Dylan në qershor 2020, është përshkruar nga shumica e kritikëve ndërkombëtarë si një nga albumet më të mira të publikuara vitet e fundit nga kantautori fitues i çmimit Nobel.

Risia e koncerteve të tij do të jetë mungesa e telefonave.

Me kërkesë të artistit, koncertet do të jenë “Phone free show”, që do të thotë se celularët nuk lejohen në sallë gjatë koncertit dhe do të ndalohet çdo regjistrim audio, video dhe fotosh.

Telefonat do të kyçen në një kuti nga një kompani e dedikuar.