Aktivistja suedeze e klimës, Greta Thunberg ka fshirë një postim në Twitter të vitit 2018, në të cilin ajo ndau një paralajmërim se ndryshimi i klimës ‘do zhdukë të gjithë njerëzimin’ nëse karburantet fosile nuk shfuqizohen deri në vitin 2023.

Në Twitter, Thunberg citoi një ‘shkencëtar të lartë të klimës’ të thoshte se ‘ndryshimi i klimës do zhdukë të gjithë njerëzimin nëse nuk ndalojmë përdorimin e karburanteve fosile gjatë pesë viteve të ardhshme’.

Është e paqartë se kur e vetëpërshkruara ‘aktiviste e drejtësisë për klimën’ e fshiu postimin në Twitter, por heqja e tij u vu re për herë të parë nga eksperti konservator amerikan Jack Posobiec të shtunën.

Faqja e internetit me të cilën është lidhur postimi i saj në Twitter nuk ekziston më. Vetë Thunberg nuk iu përgjigj Posobiec dhe një mori komentuesish të krahut të djathtë u dëgjuan për t’i kujtuar asaj se bota, në fakt, ekziston ende.

“Greta Thunberg e fshiu këtë postim në Twitter sepse e ekspozon atë për mashtrim”, shkroi në Tëitter aktivistja konservatore amerikane Brigitte Gabriel.

“Sigurohuni që e gjithë bota ta shohë atë.”

Thunberg mund të mos ketë qenë duke parashikuar fundin e njerëzimit në vitin 2023. Siç vunë në dukje disa komentues, ajo mund të ketë pohuar se raca njerëzore do përballej me zhdukjen në një moment të pacaktuar në të ardhmen nëse karburantet fosile nuk do eliminoheshin deri në këtë vit.

Aktivistja suedeze ka bërë parashikime të ngjashme edhe më parë. Në një fjalim të vitit 2019 në Kombet e Bashkuara, ajo pohoi se ‘reaksione zinxhir të pakthyeshme përtej kontrollit njerëzor’ do ndodhin nëse emetimet e karbonit nuk mund të pakësohen me më shumë se 50% deri në vitin 2030. Duke folur në mbledhjen vjetore të Forumit Ekonomik Botëror në Davos një vit më vonë , ajo deklaroi se njerëzimi ka tetë vjet që ‘të heqë dorë plotësisht nga lëndët djegëse fosile’.