Autokratët, bëjnë çmos të kenë përballë opozitë fallso

Koment nga Podiumi.com

Diktatorët dihet, nuk lejojnë opozitë fare, as për sy e faqe.

Këtë e bëjnë autokratët, që kanë të njëjtat tipare si diktatorët por, fshihen pas pseudo opozitave.

Autokratët nuk duhen ngatërruar me autoritarët.

Në Shqipëri Berisha ishte autoritar por kurrë nuk u bë autokrat.

Autokratët e nisin kapjen e shtetit fillimisht me kapjen e mediave. Nuk pranojnë absolutisht asnjë media kundër.

Sepse media u prish shume punë në rrugëtimin e tyre drejt autokracisë.

Pas mediave, autokratët korruptojnë intelektualët.

Punojnë me këmbvngulje për kapjen e drejtësisë, sepse autokratët i bezdis burokracia juridike. I duan gjërat shpejt.

Autokratët janë megalomanë në vetvete. Mendojnë se vetëm ata i mjaftojnë vendit.

Kështu që nuk e shohin të nevojshme, madje u duket e kotë që vendi të ketë opozitë, mendim ndryshe.

Prandaj hapi final i autokracisë është shndërrimi i opozitës në pseudoopozitë.

Në pikën ku ndodhemi Shqipëria është autokraci e pastër.