3 gjykatës lexuan vendimin e përgatitur në zyrën e Ramës

Apeli pro Alibeajt për vulën e PD, reagon Berisha: 3 gjykatës lexuan vendimin e përgatitur në zyrën e Ramës

Vjen reagimi i parë i kreut të PD, Sali Berisha pas vendimit të Gjykatës së Apelit, e cila vendosi të rikthejë çështjen për rigjykim në shkallë të parë, si dhe duke shfuqizuar vendimin e Agron Zhukrit për njohjen e Kuvendit të Berishës të 11 dhjetorit 2021 si legjitime.

Në një deklaratë për mediat nga selia e PD, Berisha tha se vendimi i sotëm i lexuar nga tre gjyqtarët ishte përgatitur me kohë në zyrën e kryeministrit Edi Rama.

Berisha: Sot në darkë Edi Rama, komunikoi vendimin e tij me të cilin ka një synim, likuidimin e opozitës shqiptare dhe pluralizmit politik në Shqipëri.

Sot tre gjykatës në një proces të pashembullt kundër pluralizmit lexuan vendimin e përgatitur kohë më parë në zyrën e Edi Ramës, të paralajmëruar kohë më parë ambasadorëve të caktuar, të akredituar në Tiranë të paralajmëruar në parlamentin shqiptar.

Sot gjithashtu jemi në një orë, kohë prove të vërtetë dhe unë kam besimin më të madh se demokratët shqiptarë janë të vendosur të mbrojnë me çdo kusht dhe çmim pluralizmin në Shqipëri dhe PD-në.

Vazhdimi i skenarit të filluar me tradhtarin e kombit Amerikane McGongial, të kaluar në një seri etapash sot konkludoi me një vendim të pashembullt në Europë dhe botë.